"Cənnətdəki ADAnın sakini"   —  Ləman Ələşrəfqızının Ceyhuna həsr etdiyi  filmi 

Azərbaycan Ordusunun qətlə yetirilmiş əsgəri  Hüseynov Ceyhun Tofiq oğlunun  ömür yoluna həsr olunmuş film təqdim olunub.

Oxu24.com xəbər verir  ki,  "Cənnətdəki ADAnın sakini" adlı filmin müəllifi əməkdar jurnalist Ləman Ələşrəfqızıdır.

Filmdə Ceyhun Əsgərovun keçdiyi ömür yolu,onun aldığı təhsil,cəmiyyət üçün nümunəvi vətəndaş mövqeyindən bəhs olunub.

Qeyd edək ki,Ceyhun Hüseynov 16 may 1999-cu ildə Bakı şəhərində anadan olub. 1999-2003-cü illərdə Moskva şəhərində yaşamış və 2005-ci ildə 252 saylı orta məktəbdə təhsil almağa başlamış. Dördüncü sinfə qədər həmin məktəbdə təhsilini davam etdirmiş, sonra isə imtahan yolu ilə Bakı Özəl Türk Liseyinə qəbul olmuşdur.

Beynəlxalq olimpiadalarda fəal iştirak etmiş və Riyaziyyat, İngilis dili olimpiadalarında gümüş medal, Coğrafiya olimpiadasında isə qızıl medal qazanmışdır. Yeddinci sinifdə Nyu-York şəhərində üç ay müddətində təcrübə keçmişdir. Eyni zamanda, İtaliyada BMT-nin komitə iclaslarında iştirak etmiş və çıxış etmişdir.

9-cu sinifdən 11-ci sinfə qədər Akademik Zərifə Əliyeva adına liseydə təhsilini davam etdirən Ceyhun, liseyi qızıl medalla bitirmişdir. O, təhsil müddətində davamlı olaraq "5" qiymətini almış və bir çox beynəlxalq sertifikatlar əldə etmişdir.

2016-cı ildə universitet imtahanında 627 bal toplayaraq, ADA Universitetinin Beynəlxalq Münasibətlər fakültəsinə qəbul olmuşdur. Yaponiyada mübadilə proqramı ilə təhsilini davam etdirmişdir. 2022-ci ildə Tel-Əviv Dövlət Universitetində "Sülh və Konfiktin Həlli" sahəsində magistr təhsilini başlamış və 2023-cü ildə bu təhsilini tamamlamışdır.

Həmçinin oxuyun

Öz adına kredit götürüb başqasına verənlərə VACİB XƏBƏR  —  Məhkəmə təhlükəsi

Bəylər  Eyyubovun general qohumu  işdən ÇIXARILDI

Yeni general Kəmaləddin Heydərovun xanımının dayısı oğlu imiş -DETALLAR  

Zelenski mühüm səfərə GETDİ: Nələr dəyişir?

Vətənpərvərlik

Ceyhun Hüseynov, vətənpərvərliyi ilə də tanınırdı,25 yaşında Brüsselə doktorantura təklifi almışdı, lakin vətənpərvər olduğu üçün ilk növbədə hərbi xidmətə getməyi qərara aldı.O,əmisi şəhid Hüseynov Ceyhun Tahir oğlu  kimi vətənpərvər ruhlu idi.Əmisi 1994-cü ildə Talış kəndindəki döyüşlərdə şəhid olmuşdur.

Ceyhun, gitara və pianino ifa edə bilən, idmanla maraqlanan,Quran oxuyan bir gənc idi. Eyni zamanda, bir neçə dilə hakim idi və İngilis, Rus, Türk, Ərəb ,İvrit, Yapon, İndoneziya və Çin dillərində danışa bilirdi.

Ceyhun Hüseynov, 9 iyun 2024-cü ildə, hərbi xidmətinin bitməsinə 20 gün qalmış, Naxçıvan Muxtar Respublikasının Sədərək rayonunun Günnük yaşayış məntəqəsində itkin düşmüşdür. 11 iyun 2024-cü ildə onun nəşi tapılmışdır.Daha sonra onun qətlə yetirildiyi məlum olmuşdur.Naxçıvan Hərbi Məhkəməsində keçirilən sonuncu iclasda hökm oxunub.

Məhkəmə istintaqı zamanı toplanmış sübutlar əsasında müttəhimlər təqsirli hesab edilib.

Hökmə əsasən, Samir Həziyev 4 , Aydın Quliyev isə 3 il müddətə azadlıqdan məhrum edilib. A.Quliyev məhkəmə zalında həbs edilib.

Miri Məcidli