Sabahın havası AÇIQLANDI
18 Noyabr 2026, 13:12
Qaynar xətt:
(+99450) 247 90 86
CƏMİYYƏT
297
30.05.2025, 14:31
Türk Mədəniyyəti və İrsi Fondunun prezidenti xanım Aktotı Raimkulova, UNESCO-nun Almatıdakı Regional ofisinin Direktoru və Qazaxıstan, Qırğızıstan, Tacikistan, Türkmənistan üzrə UNESCO nümayəndəsi cənab Amir Piriç ilə görüş keçirib.
Görüşdə həmçinin UNESCO-nun Mədəniyyət Proqramı üzrə mütəxəssis cənab Filip Delanj və mədəniyyət üzrə mütəxəssis xanım Aygül Xələfova da iştirak etmişdir.
Görüş zamanı Fond ilə UNESCO arasında münasibətlərin möhkəmləndirilməsi, eləcə də türk dünyasının zəngin mədəni irsinin qorunması, inkişafı və təşviqinə yönəlmiş birgə layihələr müzakirə olunmuşdur.
Özbəkistanda səfərdə olan Türk Mədəniyyəti və İrsi Fondunun prezidenti Aktotı Raimkulova xanım eyni zamanda Özbəkistanın Xarici İşlər nazirinin müavini ilə görüşüb
Türk Mədəniyyəti və İrsi Fondunun Prezidenti Aktotı Raimkulova, Özbəkistana etdiyi rəsmi səfər çərçivəsində Özbəkistan Respublicasının Xarici İşlər nazirinin müavini Bobur Usmanov ilə görüşüb.
Görüş zamanı tərəflər, Özbəkistanın Fondun fəaliyyətinə fəal şəkildə cəlb olunması kontekstində ikitərəfli əməkdaşlıq perspektivlərini müzakirə ediblər. Xüsusi olaraq, 21 May, 2025-ci il tarixində Budapeştdə Türk Dövlətləri Təşkilatının Dövlət Başçılarının qeyri-rəsmi Zirvə görüşündə qəbul olunmuş tarixi qərara — Özbəkistan Respublikasının Türk Mədəniyyəti və İrsi Fonduna tamhüquqlu üzv kimi daxil olmasına diqqət yönəldilib.
Aktotı Raimkulova göstərilən etimada və dəstəyə görə Özbəkistan rəhbərliyinə təşəkkürünü bildirərək vurğulayıb ki, Özbəkistanın Fonda üzv olması türk dünyasının zəngin mədəni irsinin öyrənilməsi, qorunması və təbliği istiqamətində genişmiqyaslı beynəlxalq layihələrin həyata keçirilməsi üçün yeni imkanlar açır.
Özbəkistan Respublikasının Prezidentinin Türk Dövlətləri Təşkilatının sammitləri çərçivəsində irəli sürdüyü təşəbbüslərin səmərəli həyata keçirilməsinə, eləcə də türk mədəni irsinin qorunması və təbliği istiqamətində birgə layihələrə xüsusi diqqət yetirildi.
Görüş qarşılıqlı anlayış və konstruktiv dialoq ilə yekunlaşıb. Fond ilə Özbəkistan Respublikası arasında mədəni və diplomatik əlaqələrin gələcəkdə daha da genişlənməsi üçün möhkəm zəmin yaradılıb.

13:12 / 18 Noyabr 2026
1
12:55 / 18 Noyabr 2026
35
12:53 / 18 Noyabr 2026
52
12:51 / 18 Noyabr 2026
67
12:32 / 18 Noyabr 2026
493
12:28 / 18 Noyabr 2026
70
12:20 / 18 Noyabr 2026
162
12:15 / 18 Noyabr 2026
73
12:10 / 18 Noyabr 2026
101
12:03 / 18 Noyabr 2026
80
12:03 / 18 Noyabr 2026
392
11:49 / 18 Noyabr 2026
166
11:43 / 18 Noyabr 2026
87
11:39 / 18 Noyabr 2026
96
11:35 / 18 Noyabr 2026
102
11:32 / 18 Noyabr 2026
97
11:22 / 18 Noyabr 2026
543
11:19 / 18 Noyabr 2026
122
11:15 / 18 Noyabr 2026
97
11:13 / 18 Noyabr 2026
93
11:11 / 18 Noyabr 2026
791
11:08 / 18 Noyabr 2026
100
10:21 / 18 Noyabr 2026
124
© 2026 Oxu24.com Müəllif hüquqları qorunur.