Aİ-92 və dizel markalı benzinin qiyməti ilə bağlı MÜHÜM XƏBƏR

2024/09/04/1725435371_1543296527_1543292576_benzin-1.jpg

CƏMİYYƏT

1243

29.05.2025, 16:18

Azərbaycana benzin idxalının artmasının səbəbi məlum olub. Məsələ Milli Məclisin İqtisadi siyasət, sənaye və sahibkarlıq komitəsinin iclasında müzakirə olunub. Maliyyə naziri Sahil Babayev bildirib ki, idxalın artmasına Neft Emalı Zavodunun ötən il keçirilən beynəlxalq tədbirlərlə əlaqədar təxminən iki ay müddətinə fəaliyyətini dayandırması səbəb olub. Nazir qeyd edib ki, məhz bu dövrdə daxili tələbatı qarşılamaq məqsədilə Aİ-92 markalı benzin idxal edilib. Onun sözlərinə görə, məsələ ilə bağlı daha dəqiq məlumatı SOCAR təqdim edə bilər.

Maraqlıdır, ölkəyə benzin idxalının artması qiymətlərə təsir edə bilərmi?

Məsələ ilə bağlı News24.az-a danışan iqtisadçı Natiq Cəfərli bildirib ki, benzin qiymətləri böyük ehtimalla inflyasiya dərəcəsinə uyğun şəkildə müəyyənləşdiriləcək:

"Azərbaycanda inflyasiyanın əvvəlki proqnozlardan daha yüksək olacağı gözlənilir. Hökumətin və Mərkəzi Bankın rəsmi proqnozlarında da müəyyən fərqlər mövcuddur. Lakin real vəziyyətə gəldikdə, bəzi göstəricilər nəzərəçarpacaq dərəcədə fərqli mənzərə ortaya qoyur. Bizdə əsas problem ondan ibarətdir ki, inflyasiyanın hesablanma mexanizmində yeni metodoloji yanaşmalara ehtiyac var”.

Həmçinin oxuyun

Leyla Əliyeva xalasını doğum günündə belə TƏBRİK ETDİ

Respublikanın ən gənc prorektoru Hidayətli kimdir? - DOSYE

Onkoloq XƏBƏRDARLIQ EDİR: Xərçəng xəstəliyinə tutulduğumuzu necə bilməliyik?

Avtomobilimin işıq cihazlarında dəyişiklik edə bilərəmmi? - SUALA CAVAB

Natiq Cəfərli vurğulayıb ki, hazırda Azərbaycanda inflyasiya səviyyəsi mal və xidmətlərin geniş siyahısı əsasında hesablanır. Bu siyahıda yüzlərlə məhsul və xidmət əhatə olunur. Lakin insanların gündəlik həyatına birbaşa təsir edən məhsullar – əsasən də ərzaq, kommunal xidmətlər və yanacaq bu hesablama sistemində real çəkisini tam əks etdirmir:

“Əsas diqqət gündəlik tələbat mallarına yönəlməlidir. Çünki vətəndaşlar məhz bu məhsulların qiymətindəki artımı daha çox hiss edirlər. Təəssüf ki, bu artımlar ümumi inflyasiya göstəricilərində kifayət qədər nəzərə çarpmır. Nəticədə inflyasiyanın rəsmi rəqəmləri real vəziyyətdən aşağı göstərilə bilər”.