Nəyə görə yaponlar tualetə duz qoyur? – Sağlamlığa faydası

Yaponiyada evlərdə və restoranlarda, iş yerlərində kiçik qablara duzu təpə şəklində töküb, dekor kimi qapı ağzına, pəncərəyə, künclərə, hətta evin çölünə də qoyulduğunu görə bilərsiz.

Medicina.az xəbər verir ki, yaponlar qədim əfsanəyə əsasən hələ də bu inancı yaşadırlar.

560 il əvvəl Yaponiyanın imperatoru Kiotonun qadınlara qarşı zəifliyi var idi. Onun sarayında 3000 kəniz saxlanılırdı. O, hər gün bir qadını seçməliydi. Bu seçimi isə o sevimli atına həvalə edirdi. At gedərək, hansı qapıda dayansa, o gözəl imperatorun qonağı olacaqdı. 

Kənizlərdən biri imperatorun xüsusi diqqətini qazanmaq üçün biclik işlədir. O, evinin kandarına duz səpir və at burdan keçərklən istər-istəməz duza görə o qapıda dayanır. Beləcə qadın ilin ən az 90 gününü imperatorun yanında keçirməyə nail olurdu.

 

O vaxtdan kandara duz qoyulması xüsusi uğur və xoşbəxtlik simvolu, eləcə də evə lazımi nüfuzlu adamların cəlb olunması simvolu hesab edilir. Hamam və tualetdə isə yaponlar ona görə duz qoyur ki, o zonalar evin ən neqativ enerjili hissəsi hesab olunur. Bu yerdə insan neqativ enerji hasil edir, bədənindən artıq zibil çıxır və yuyunaraq təmizlənir. Bu zaman duz həmin neqativi özünə çəkir.

 

Onlar 1-2 aydan bir duzu yeniləyir. Duzu qaba uçbucaq təpə, yəni piramida formasında tökürlər.