Hər şey yuxuda baş verirmiş  — Hər kəsin bilməsi olduğu MƏLUMAT

Yuxunun bizim üçün nə qədər əhəmiyyətli olduğuna bəzi hallarda diqqət etmirik.Sağlam və dinamik həyatın başlanğıcı məhz yuxu rejimi ilə birbaşa bağlıdır.Yuxu sağlam həyatın ayrılmaz hissəsidir və həkimlər kifayət qədər və keyfiyyətli gecə yuxusunun həm fiziki, həm də zehni sağlamlıq üçün vacib olduğunu bildirirlər.

Oxu24.com bu dəfə axşam  gec saatlarında  yatmağın orqanizmə vurduğu 5 zərərdən bəhs edir.

Birinci zərər, yuxu azlığı və bioloji ritminin pozulması insulinə qarşı həssaslığı azalda bilər və bunun nəticəsində iştahımız artaraq zamanla çəki artıqlığını yaşaya bilərik. Bu səbəbdən də bir çox insanlarda həddindən artıq kökəlmə məhz yuxu rejiminə düzgün əməl etmədikdə yaranır.

İkinci zərər, aclıq və toxluq siqnalları qarışır. Gecə yemək vərdişi yaranır və bu da çəkinin artımının asanlaşmasına səbəb olur. Bu da bir çox insanlarda piylənməyə səbəb olur.

Üçüncüsü, təzyiqin, ürək ritminin gecə tənzimi daha da pozulmuş olur. Bu isə tez- tez təzyiq oynamasına və ürək çırpıntılarının artmasına səbəb olur.

Dördüncüsü, diqqət, yaddaş və əhval-ruhiyyənin zəifləməsi. Bu isə sonradan inkişaf edərək yaddaş pozulmasına və daha ağır xəstəliklərə səbəb ola bilər.

Beşincisi, immun sistemin, hormonal və əzələ toxumasının bərpası üçün ayrılan proseslərin normal fəaliyyət göstərməsinə mane olmaq.Yuxu normasını düzgün qəbul etməyən əksər insanlarda immun sistemi zəifləyə və orqanizmin zəifləməsi müşahidə oluna bilər.

Orqanizm yuxu zamanı özünü bərpa etməyə çalışır və qısa saatlarda olan yuxu orqanizm bərpa prosesinin ləngiməsinə səbəb ola bilir. Əsas problem gec yatmaqla yanaşı, az və nizamsız yatmaq və səhər erkən qalxmaqdır. Əksər böyüklər üçün hədəf hər gün eyni saatda yatmaq, 7-9 saatda keyfiyyətli yuxunu almaqdır. Yuxunun müddəti ilə yanaşı, yuxunun vaxtı, müntəzəmliyi və bioloji ritminə uyğunluğu da kardiyometabolik sağlamlığınızın əsas təminatçısıdır. Zamanında yatın və sağlam qalın.

Hazırladı: Nigar

Həmçinin oxuyun

Tanınmış həkim vəfat edib - FOTO 

Milli Məclisdə mühüm qərar: Yeni rütbələr nəyi dəyişəcək? —  AÇIQLAMA

Baş Prokurorluğun RƏSMİ AÇIQLAMASI:7 nəfər beynəlxalq axtarışa verilib

Bakıdan Türkiyədən Azərbaycanı bulandırmaq istəyənlərə SİYASİ CAVAB