Ürək xəstəliyindən əziyyət çəkənlərin NƏZƏRİNƏ: Bu orqan yoxlanılmasa, müalicə TƏHLÜKƏLİ ola bilər!

TİBB

277

02.09.2026, 17:15

Xəbərlərimizi Google-da izləyin

Yeniliklərdən dərhal xəbərdar olun

Ürək-damar xəstəlikləri müasir dövrdə ən çox rast gəlinən və ciddi fəsadlara yol açan səhhət problemlərindəndir. Çox vaxt pasiyentlər yalnız ürək müayinələri ilə kifayətlənsələr də, mütəxəssislər orqanizmdəki digər həyati orqanların da bu prosesdə mühüm rol oynadığını bildirirlər. Xüsusilə də dərman müalicəsinə başlamazdan əvvəl bəzi vacib orqanların funksional vəziyyəti dəqiq qiymətləndirilməlidir. Əks halda, qəbul edilən preparatlar gözlənilən effekti verməyə bilər və ya əks-təsir göstərə bilər. Həkimlərin sözlərinə görə, orqanizmdə xolesterin mübadiləsindən tutmuş dərmanların parçalanmasına qədər bir çox proses bir-biri ilə sıx bağlıdır.

Oxu24.com xəbər verir ki, mövzu ilə bağlı kardioloq Aynur Məmmədova mühüm xəbərdarlıq və tövsiyələr edib.

Həkim bildirib ki, ürək xəstəsinin mütləq qaraciyərinə də baxılmalıdır. Çünki qaraciyərin funksiyası başda ürəyin funksiyası olmaqla bütün orqanizmə öz təsirini göstərir. Belə ki, xolesterin mübadiləsinə vasitəsiz təsir edir, orqanizmdə olan xolesterinin büyük bir hissəsi qaraciyərdən sintez olunur.

Eyni zamanda o qeyd edib ki, əgər qaraciyər xəstəliyi olarsa, qandakı 'pis xolesterini' tutub inaktivləşdirən mühüm reseptorların sayı azalmış olur:

“Bu qanda yağlılığın (xolesterinin) artmasına gətirib çıxarır. Digər tərəfdən, ürək çatışmazlığı olan insanlarda qaraciyərdə durğunluq halları baş verə bilər”.

Kardioloqun sözlərinə görə , xəstəyə statinlər və ya təzyiq dərmanları kimi hər hansı bir preparat təyin etdikdə, əvvəlcə qaraciyərin funksiyasını yoxlamaq lazımdır:

“Bu, statinlərin təsirini daha dəqiq qiymətləndirmək üçün vacibdir. Çünki bir çox dərmanlar qaraciyərdə inaktivləşir və çevrilmələrə məruz kalır. Bütün bu səbəblərdən kardioloqlar müalicəyə başlamazdan öncə mütləq qaraciyərin funksiyasını qiymətləndirməlidirlər”.

Jalə

Həmçinin oxuyun