"Qan yudurtmaq" və "Qan vermək" eyni şeydirmi? — Mütəxəssis fərqi açıqladı  

Cəmiyyətdə tez-tez işlədilən "qan yudurtmaq" və "qan vermək" ifadələri bir çox hallarda eyni prosedurlar kimi qəbul edilir. Lakin tibbi baxımdan bu iki anlayış bir-birindən tamamilə fərqli prosessləri əks etdirir. Əhali arasında yaranan bu yanlış fikirlərə aydınlıq gətirmək tibbi savadlılığın artırılması üçün böyük əhəmiyyət kəsb edir. Hər iki prosedurun tətbiq olunduğu xəstəliklər və onların insan orqanizminə təsiri müxtəlifdir. Oxu24.com mövzu ilə bağlı mütəxəssis rəyini öyrənib.

Mövzu ilə bağlı Pediatr-Hematoloq Dr. Miredar Babayev mühüm məqamlara toxunub.

Mütəxəssisin sözlərinə görə, "qan yudurtmaq" və "qan vermək" el arasında geniş işlənsə də, mahiyyətcə tamamilə fərqli prosedurlardır:

“Qan yudurtmaq el arasında işlədilən bir ifadədir və tibbi baxımdan qanın plazma hissəsinin tərkibindən çıxarılması, yəni qanın yuyulması (plazmaferez) deməkdir. Bu prosedur zamanı müxtəlif xəstəliklərlə mübarizə aparmaq məqsədilə patoloji maddələrlə zəngin olan plazma orqanizmdən xaric edilir. Xaric olunmuş plazmanın yerini bərpa etmək üçün isə pasiyentə xüsusi fizioloji məhlullar yeridilir. Bu üsul orqanizmi toksinlərdən və zərərli elementlərdən təmizləyərək xəstəliklərdən xilas olmağa kömək edir”.

Onun sözlərinə görə, qan vermək isə birbaşa donorluq anlayışıdır. Bu zaman sağlam bir insanın qanının qırmızı komponentləri (və ya bütöv qan) ehtiyacı olan xəstə insana köçürülür. Qan köçürmə proseduru həyati təhlükə yaradan bir çox ağır vəziyyətlərdə geniş tətbiq olunur. Bura kəskin qan İtirilməsi halları, qanın parçalanması ilə müşayiət olunan patologiyalar, anadangəlmə talassemiya xəstəliyi, qanın bədxassəli kəskin xərçəng xəstəlikləri, eləcə də normada qan yaranmanın dayanması və hemoqlobin göstəricilərinin kəskin düşməsi daxildir. 

O qeyd edib ki, bütün bu hallarda xəstənin həyatını xilas etmək və orqanizmin funksiyalarını bərpa etmək üçün sağlam donordan alınan qanın transferi vacib şərtdir.

Həmçinin oxuyun

Əmr imzalandı:Yeni müşavir KİMDİR?

Polad Bülbüloğlunun yeni həyat yoldaşı kimdir? - FOTO 

Prezident onları belə təbrik etdi -FOTO

Müştəri jurnalist çıxdı,falçının "ürəyi getdi"  — Bakıda ŞOK ANLAR