DİQQƏT: Ölməzliyin şifrəsi tapıldı? — 150 il yaşamaq istəyənlərin gizli metodu: BİOHAKKİNQ!  

Müasir dövrün ən böyük trendi olan "Biohakkinq" dünyanı lərzəyə gətirir. Artıq zənginlər və texnologiya nəhəngləri yaşlanmağı dayandırmaq üçün öz bədənlərini "hack" edirlər. Bəs bu nə dərəcədə təhlükəsizdir? Sizin üçün araşdırdıq.

Oxu24.com xəbər verir ki, son illərdə elm və texnologiyanın kəsişməsində yaranan "Biohacking" (Biohakkinq) termini artıq sadəcə bir maraq deyil, yeni bir həyat fəlsəfəsinə çevrilib. Bu metodun tərəfdarları iddia edirlər ki, insan öz bədəninin "proqramçısı" ola bilər və genetik taleyini dəyişdirə bilər.

Biohakkinq əslində nədir?

Biohakkinq – biologiya və "hacking" (sındırma) sözlərinin birləşməsindən yaranıb. Mənası isə çox sadədir: Müəyyən texnoloji, tibbi və təbii üsullarla insan orqanizminin imkanlarını maksimuma çatdırmaq, xəstəlikləri önləmək və yaşlanma prosesini ləngitmək.

Bədənimizi necə "hack" edirlər?

Biohakkerlər bunu bir neçə səviyyədə həyata keçirirlər:

-Qidalanma və Oruç: "İntermittent Fasting" (Aralıqlı oruc) vasitəsilə hüceyrələrin yenilənməsini sürətləndirmək.

-Nootropiklər: Beyin fəaliyyətini, yaddaşı və diqqəti artırmaq üçün istifadə edilən xüsusi əlavələr və "ağıllı həblər".

-Yuxu Optimallaşdırılması: Xüsusi cihazlarla yuxunun fazalarını izləmək və ən qısa müddətdə maksimum enerji toplamaq.

-Genetik Müdaxilə (Ekstremal səviyyə): Bəzi biohakkerlər laboratoriya şəraitində öz genləri üzərində təcrübələr aparır, dərilərinin altına çiplər yerləşdirirlər.

Dünyanın ən məşhur biohakkerlərindən olan Bryan Johnson, gənc qalmaq üçün ildə 2 milyon dollar xərcləyir və öz yeniyetmə oğlunun qanını özünə köçürtdürür. O, bioloji yaşını 5 ildən çox azalda bildiyini iddia edir. Bu, sadəcə bir dəlilikdir, yoxsa gələcəyin tibbi?

Təhlükəlidirmi?

Həkimlər xəbərdarlıq edir: Nəzarətsiz qəbul edilən qida əlavələri və bədənə edilən müdaxilələr geri dönülməz fəsadlara yol aça bilər. Orqanizm bir saat mexanizmi kimidir – bir vintini səhv çevirmək bütün sistemi sıradan çıxara bilər.

Çimnaz Telmanqızı

Həmçinin oxuyun

4 avqusta bizi nələr gözləyir?  — ULDUZ FALI

İlham Əliyev sərəncam İMZALADI

SON DƏQİQƏ! Azərbaycanda  vəzifəli şəxslər həbs edildi

Yüksək pensiya almağın əsas şərtləri  – Ekspertdən vacib açıqlama