Ərinizlə, sevgilinizlə qətiyyən yaxınlıq istəmirsiniz? Seksual yaxınlıq sizə həzz vermir? O zaman libido səviyyəsi aşağı düşüb.

Seksoloqlar libidonun düşməsinin əsasən 2 səbəbi olduğunu bildirirlər: fizioloji və psixoloji. Birinci səbəblərə hamiləlik, laktasiya dövrü, hormonal kontraseptivlərin qəbulu, diabet və bir sıra başqa xəstəliklər aid edilə bilər. İkinci qrupa isə depressiya, stress və özünə əminsizlik aiddir.  Libidonun aşağı olması zamanı 5 sadə üsulla onu aradan qaldırmaq mümkündür.

Medicina.az həmin üsulları açıqlayır:

1) Həssaslığınızı oyadın. Sizdə xoş əhval yaradan hər bir şeyin siyahısını tutun: sevdiyiniz ətirlər, musiqi, xoş prosedurlar və s.

2) Öz bədəninizi sevməyi öyrənin. Özünüzü olduğu kimi qəbul edin. Bunun üçün öz üstünlüklərinizin siyahısını tərtib edin.

3) Öz əhval-ruhiyyənizi yaxşılaşdırın. Qidalanmanıza diqqət yetirin. Xeyirli qidalardan istifadə edin, fast-fooddan uzaq durun.
 
4) İdmanla məşğul olun. Klinik olaraq sübut edilib ki, yüngül fiziki hərəkətlər libidonun səviyyəsini artırır. Məşqlər mütəmadi, rahatlıq verən və yüngül olmalıdır.  

5) Sağlamlığınızın qeydinə qalın. Libidonun yaranmasında ən əsas problemlərdən biri də bədən kütləsi ola bilər.  Bundan əlavə, bir sıra cinsi xəstəliklər də cinsi istəyin azalmasına səbəb ola bilər. Oxu24.com