Rusiya estradasının ulduzu Anna Sedokova üçüncü əri, 32 yaşlı latviyalı basketbolçu Yanis Timma ilə rəsmi şəkildə boşanıb.

Oxu24.com Rusiya mətbuatına istinadən xəbər verir ki, müğənni bu ilin oktyabrında boşanmaq üçün məhkəməyə müraciət edib və ərizəsi noyabrda rəsmən qəbul edilib.

Lakin cütlüyün barışmaq üçün bir ay vaxtı olub. Bu müddət ərzində Sedokova dəfələrlə sosial şəbəkələrdə əri ilə münasibətlərindəki problemlərdən danışıb. Nəticədə onlar 4 illik evliliklərini bitiriblər.

Qeyd edək ki, bu, A.Sedokovanın üçüncü evliliyidir. Belə ki, o, daha öncə belaruslu futbolçu Valentin Belkeviç və iş adamı Maksim Çernyavski ilə evli olub. Annanın əvvəlki münasibətlərindən üç, Yanisin isə ilk evliliyindən bir uşağı var.