Afra Saraçoğlu çox eqoludur, mənə qarşı... -Ülviyyə Xalinbəyova "Yalı çapkını" serialındakı rolundan danışdı

““Yalı çapkını” serial çəkilişində mənə çox maraq, diqqət və simpatiya var idi. Hətta mən setə gedəndə oradakı bütün xanımlar mənə yaxınlaşıb dedilər ki, hamı səndən danışır, biz səni daha böyük layihələrdə görəcəyik”.

Oxu24.com  xəbər verir ki, bu sözləri Ülviyyə Xalinbəyova qonaq olduğu “Xəbərin var?” maqazin verilişində deyib.

Epizodik rolda reytinqləri alt-üst edən “Yalı çapkını” serialına çəkilən Ülviyyə setdə türk həmkarlarının ona olan marağından və diqqətindən söz açıb:

“Çəkiliş meydançasında 100 nəfərə qədər insan vardı. Mənə dedilər ki, heç kim onların diqqətini çəkmir, amma haradan keçirsənsə, hamı sənə baxır və maraqlanır. Təbii ki, mən orada olan aktrisalarda qısqanclıq yaratdım. Əslində məni insanlar başqa cür tanıyırlar. Mən sülh olmasının tərəfdayıram. İş yoldaşlarım da bilirlər ki, mən bu xasiyyətdə insanam. Amma mən qalmaqallardan və davalardan qaçdığım üçün bu şeylərdə mənim arxamca qaçır. Çünki qorxular hər zaman insanı izləyir”.

Praqramın aparıcısı İsa Şükürovun ““Yalı çapkını” serialının baş rol ifaçısı Afra Saracoğlu sizi daha çox qısqanıb. Hətta deyilənlərə görə, o istəməyib ki, siz onun kadrlarında olasınız?” sualına Ülviyyənin cavabı belə olub:

“Bu haqda danışmaq istəmirəm. Hər şey göründüyü kimi deyil. Buradan sevə - sevə izlədiklərimi orada gedib görəndən sonra dedim ki, bunlar necə fərqlidirlər. Misal üçün Mert Ramazanoğlunu sevmirdim. O mənə eqolu və yekəxana təsiri bağışlamışdı. Afranı isə çox sevirdim. Gedəndən sonra onu gördüm və fikirlərim dəyişdi. Gedəndən sonra gördüm ki, Mert orada “çapkın” deyil, yəni o obrazdakı kimi deyil, çox istiqanlıdır. Afra isə soyuqqanlı və eqoludur. Afra çəkilişlərdə gəlib mənimlə ünsiyyət qurdu. Onun bu hərəkəti kəşfiyyat xarakter daşımırdı. Sadəcə olaraq o mənə eqosunu göstərdi. Amma mən bu haqda geniş danışmaq istəmirəm. Yoxsa onun danışıq tərzini sizə göstərərdim”.

Qeyd edək ki, Ülviyyə Xalinbəyova sözügedən serialda Sunayla Abidinin toy səhnəsində Feritin arxasında ekranda görünüb.