“Onlar kömək üçün xarici ölkələrə müraciət edirlər. Məlumatlara görə onlar Yaxın Şərqdən də bir qrup, hazırlanmış terrorçu ermənilərin bölgəyə gətirilməsindən söhbət gedir”.
Bu fikirləri Qazet.az-a açıqlamasında Bakı Politoloqlar Klubunun rəhbəri Zaur Məmmədov səsləndirib.
Politoloq qeyd edir ki, artıq bu barədə məlumatlar əldə edilib.
“Artıq təyyarələrində bu istiqamətdə reyslərin tarixi barədə məlumatları vardır. Bu dəfə isə 90-cı illər deyil. Bu dəfə başqa mənzərənin şahidi olacağıq. Ermənistanın yeni rəhbərliyi və Minsk qrupu başa düşməlidirlər ki, yaxın vaxtlarda Azərbaycan Qarabağla bağlı beynəlxalq hüququn təmin olunmasını istəyir. Beynəlxalq hüquq təmin edilməzsə, biz başqa vəziyyətin şahidi ola bilərik”, – deyə Zaur Məmmədov qeyd edib.
Artıq Ermənistan regionda terror dövlətinə çevrilib. Bu məsələyə isə beynəlxalq hüquq çərçivəsində qiymət verilməlidir.
“Ermənilərin provokasiyası onu deməyə əsas verir ki, onlar bölgədə sülh və əmin-amanlıq istəmir. Ermənistan regionun terror dövlətidir. Heç bir zaman biz fransız, ərəb, amerikan terroru deyə bilmərik. Yalnız ayrı-ayrı qrupların adını çəkə bilərik. Amma biz Ermənistan terrorunun adını əminliklə çəkə bilərik”, – politoloq əlavə edib.
Görünən isə odur ki, Ermənistan terrora belə əl atmaqla Azərbaycanın bir santımetr belə torpağına girə bilməyəcək. Bunu deməyə isə Azərbaycan ordusunun gücü və vətənpərvər Azərbaycan xalqının rəşadəti imkan verir.
Oxu24.com
ŞƏRHLƏR