Bu gün OPEC+ iclasının yekun kommunikesinə əsasən, OPEC+ ölkələri bu günki görüşdə böyük ehtimalla hasilatın azaldılmasının bir ay, yəni iyul ayının axırına qədər uzadılması barədə razılığa gəlib.

Oxu24.com -un "Reuters"ə istinadən verdiyi məlumata görə, OPEC+ hasilatı aprel ayında təsdiqlənmiş plana əsasən 100% azaltmayan ölkələrə (İraq və Nigeriya) iyul - sentyabr aylarında öhdəliklərini tam şəkildə yerinə yetirmələrini tapşıracaq.

Sənədə əsasən, iclasda iştirak edən ölkələr əvvəlki öhdəliklərini təsdiqləyir, həmçinin bütün əsas neft istehsalçılarını OPEC və sazişdə iştirak edən digər ölkələrin səylərini nəzərə alaraq neft bazarının sabitləşməsinə mütənasib töhfə verməyə çağırır.

OPEC-də olan iki mənbə azalmanın bir aylıq uzadılmasına razı olduqlarını söyləyib. 

OPEC+ ölkələri nazirlərinin onlayn görüşü başa çatıb.

İclasda hasilatın azaldılmasının bir ay - yəni, iyul ayının axırına qədər uzadılması barədə razılığa gəlinib.