Çilinin “Hercules C130” tipli hərbi yük təyyarəsi radardan itib.

Publika.az xəbər verir ki, ölkənin Antarktikadakı “Prezident Eduardo Frey Montalva” hərbi bazasına ərzaq və işçi heyəti daşıyan təyyarə ilə yerli vaxtla saat 06:00-da bağlantı kəsilib.

Təyyarədə 17 ekipaj üzvü, 21 sərnişin olub.

Axtarış işlərinə briqadalar cəlb edilib.

Çili prezidenti Sebastyan Pinera tvitterindən verdiyi açıqlamada Müdafiə və Daxili işlər nazirləri ilə birlikdə Hərbi Hava Qüvvələri Komandanlığında prosesləri izlədiyini yazıb.