Yaponiyada güclü zəlzələ oldu

Yanvarın 9-da Yaponiyanın Niiqata prefekturasında 6,0 bal gücündə zəlzələ baş verib.

 

Oxu24.com  xəbər  verir  ki, bu barədə Yaponiyanın Baş Meteorologiya İdarəsinin seysmoloqları məlumat verib.

 

Departamentin məlumatına görə, yeraltı təkanlar yerli vaxtla saat 17:59-da (Sado adası ərazisində qeydə alınıb.

 

Zəlzələnin mənbəyi suyun 10 km dərinliyində olub.

 

O, yanvarın 1-də baş verən güclü zəlzələdən xüsusilə zərər çəkmiş İşikava prefekturasının Noto yarımadasının yaxınlığında yerləşir.

 

Buna baxmayaraq, ekspertlər sunami təhlükəsinin olmadığını əmin ediblər.

 

Hadisə nəticəsində insan tələfatı və dağıntılar barədə məlumat verilməsə də, bəzi ərazilərdə sürətli qatarların hərəkəti dayandırılıb.

Yanvarın 1-də Yaponiyanın mərkəzi hissəsində 7,5 bal gücündə zəlzələ baş verib, yeraltı təkanlar o qədər güclü olub ki, ölkə sunami təhlükəsi elan edib və analoji xəbərdarlıq Rusiyanın şərqində də edilib.

Yaponiyada minlərlə sahil sakini nəticədə evlərini tərk etmək məcburiyyətində qalıb. Çoxlu binalara və yollara ziyan dəyib.

 

Müəllif: Nigar