Qaynar xətt:

(+99450) 247 90 86

Prezidentin təltif etdiyi  Xalq Artisti DANIŞDI: "Xəbəri alanda imtahandan yeni çıxmışdım"

news/2026_01_07/cahangir_1_1767796949.jpg

SİYASƏT

864

07.01.2026, 18:41

Xəbər verdiyimiz kimi,Xalq artisti Cahangir Novruzov “Azərbaycan Respublikası Prezidentinin fəxri diplomu” ilə təltif olunub.

Oxu24.com xəbər verir ki, bununla bağlı Azərbaycan Respublikasının Prezidenti İlham Əliyev müvafiq Sərəncam imzalayıb.

Cahangir Novruzov bu yüksək təltifə xalqlar arasında dostluğun möhkəmləndirilməsi və Azərbaycan diasporunun inkişafı sahəsində göstərdiyi xidmətlərə görə layiq görülüb.

Xalq artisti OXU24.com-a açıqlamasında təəssüratlarını bölüşüb:

“Bu xəbəri Diasporla İş üzrə Dövlət Komitəsinin sədrinin müavini  hörmətli Elşad Əliyev mənə bildirəndə imtahandan yeni çıxmışdım. Mütəvazı xidmətimə verilən yüksək qiymətə görə cənab Prezident İlham Əliyevə dərin təşəkkürümü bildirirəm. Mən gənc yaşlarımdan Ulu Öndər Heydər Əliyevin ailəsini tanıyıram. Anamla onun anası, Zərifə xanım bir-birini çox sevirdilər. Allah hər ikisinə rəhmət eləsin.

Bir məsələni xüsusilə vurğulamaq istəyirəm ki, cənab Prezident atasının layiqli davamçısıdır. Ulu Öndər kimi o da mədəniyyətə və mədəniyyət xadimlərinə daim yüksək dəyər verir. Biz öz fəaliyyətimizlə Vətənə xidmət edirik. Kaş gənc olardım, 44 günlük Vətən müharibəsində iştirak edərdim.

Biz mədəniyyətimiz vasitəsilə Turan dünyasında və bütün dünyada Azərbaycanı tanıtmağa çalışırıq. Bu fəaliyyətə diqqət və dəyər göstərdiyinə görə cənab Prezident İlham Əliyevə və Birinci vitse-prezident Mehriban xanım Əliyevaya dərin minnətdarlığımı bildirirəm. Mütəvazı xidmətimizə verilən bu qiymət mənim üçün böyük fəxrdir.

Yaşasın Azərbaycan diasporu!  Yaşasın Azərbaycan ! Biz hamımız Vətənə xidmət edirik və mədəniyyətimizlə Azərbaycanı dünyaya tanıdırıq.”

Sonda bir söz deyim ki, Böyük Hüseyn Cavid əfəndi demişkən "Turana qılıncdan daha kəskin, ulu qüvvət,. Yalnız mədəniyyət, mədəniyyət, mədənyiyət! "

Hazırladı: Turan Etibaroğlu