Trampın ŞOK PLANI:  Siyahıda hansı ölkələr var?   –  Dünya sürprizlərə hazır olsun...

Trampın şok planı:Panama kanalı, Qrenlandiya adası, Meksika körfəzi və Petro

Oxu24.com  xatırladır  ki,Donald Tramp hələ 2024-cü ilin noyabrında - prezident seçkilərindən dərhal sonra  ərazi iddialarını ortaya qoydu və bir neçə ölkədən  tələblərinin dərhal yerinə yetirilməsini  istədi. ABŞ-nin Venesuelada həyata keçirdiyi 2 saat 20 dəqiqəlik xüsusi hərbi əməliyyat nəticəsində  prezident Nikolas Maduronun həbs olunaraq Birləşmiş Ştatlara aparılması bütün dünyada geniş müzakirələrə yol açdı.ABŞ-nin  Venesuelakı hərbi əməliyyatından sonra dünya anladı ki, Trampın söylədiyi heç bir sözün yerdə qalmasını istəmir, mütləq həyata keçirilməsinə maraqlıdır.

KANADA – Panama kanalı iddiası

 “And içmə” mərasimində çox əvvəl  Kanadanı ABŞ-nin 51-ci ştatına çevirəcəyini deyən Tramp Baş nazir Castin Trüdonu da qubernator adlandırmışdı : “Kanada qubernatoru Castin Trüdo, Milad bayramınız mübarək. Vətəndaşlarının vergiləri çox yüksəkdir, lakin Kanada 51-ci ştat olsa, onların vergiləri 60%-dən çox azalacaq, biznesləri ikiqat artacaq” deyə milad arzularını səsləndirmişdi.

Həmin təbrikdən sonra isə Tramp Panama kanalını ehtiyatla, lakin qeyri-qanuni idarə edən “gözəl Çin əsgərlərinin Milad bayramını”da təbrik etmişdi. O, sosial şəbəkə hesabında isə  foto paylaşdı və Panama kanalına ərazi iddiası irəli sürmüşdü.  O, paylaşımında “ABŞ-yə xoş gəldin, kanal” sözlərini qeyd etmişdi.

Danimarka – Qrenlandiya iddiası

 2025-ci ilin martında isə Tramp Danimarkaya məxsus Qrenlandiyanı da ələ keçirəcəyini vurğuladı.  ABŞ Prezidenti “NBC News”a müsahibəsində bildirdi ki,  biz Qrenlandiyanı əldə edəcəyik. Bəli, yüz faiz.

Həmçinin oxuyun

Universitetlər paytaxtdan çıxarılır – VİDEO 

Bu ərazilərə qar yağacaq - 30 martla bağlı XƏBƏRDARLIQ

Xalq artisti Rasim Balayev vəfat edib

İran bu ölkə üçün Hörmüzü açdı

 Əslində Arktikadakı ehtiyatlarla zəngin Danimarka ərazisi olan Qrenlandiya mövzusuna ötən gün yenidən qayıdan Tramp “bizə həqiqətən Qrenlandiya lazımdır, mütləq lazımdır" deməsi ilə Venesueladan sonra Danimarka dövləti ilə “məşğul olacağna” eyham vurdu.

 Meksika – Meksika körfəzi

Dünyanın ən böyük körfəzi olan Meksika körfəzi  ABŞ-ın iqtisadi həyatında əsas rol oynadığı məlumdur.

Xatırlayırsınızsa, ötən ilin sentyabrında qərb mətbuatı yazırdı ki, Tramp Pentaqona Latın Amerika narkokartellərə qarşı hərbi güc tətbiqinə başlamaq üçün gizli direktiv imzalayıb. Bu məlumatı şərh edərkən Meksika prezidenti Klaudiya bəyan etdi ki, Meksika öz ərazisində narkokartellərə qarşı əməliyyatlar keçirmək üçün Amerika hərbçilərinin iştirakına icazə verməyəcək. Onun sözlərinə görə, ABŞ Meksikaya hərbçilər göndərməyəcək.

Amma  buna baxmayaraq ABŞ prezidenti  Meksika körfəzinin “Amerika körfəzi” adlanması barədə qərar verdikdən sonra “Quql Məps” Meksika körfəzinin adını dəyişərək, “Amerika körfəzi” kimi qeyd etdi. Meksika prezidenti Google-a məktub göndərərək Meksika körfəzinin adının Amerika Körfəzi olaraq dəyişdirilməsinə etiraz etdi.

 Kolumbiya - Petro təhlükədə

Ötən ilin oktyabrında ABŞ prezidenti Donald Tramp Kolumbiya prezidenti Qustavo Petronu narkotik ticarətinə yardım etməkdə ittiham etməsi əslində sıradan bir suçlama deyildi.  Petronu qeyri-qanuni narkotik bazarının lideri adlandırması və onu bütün ölkədə narkotik istehsalını təşviq etməkdə günahlandırması Kolubiya üçün “təhlükəli gələcək” anlamını daşıyırdı. Hətta Trampın çıxışnda “bu dərmanların böyük bir hissəsi ABŞ-də gətirilir. Yaxşısı budur, bu öldürmə sahələrini dərhal bağlasın, yoxsa Birləşmiş Ştatlar onun üçün onları bağlayacaq və bu heç də xoş olmayacaq” deməsi təhlükənin heç də uzaqda olmadığını dedi .

 Ötən gün isə, yəni,  Tramp Venesuela Prezidenti Nikolas Maduronu ələ keçirən və ölkədən çıxaran ABŞ hərbi əməliyyatından sonra Kolumbiya Prezidentinə birbaşa xəbərdarlıq edib.

 ABŞ dövlət katibi Marko Rubio  çıxışlarının birində Trampın əvvəlki prezidentlərdən fərqini belə izah edib:” Tramp deyir və edir”

Rubionun fikri ilə yola çıxsaq onda belə qənaətə gəlmək olar ki, ABŞ prezidenti hədəf seçdiyi bütün ölkələri  Venesuela kimi qarşısında diz çökdürəcək.

 Ötən gün Çin Xarici İşlər Nazirliyi  vurğulayıb ki, Vaşinqtonun hərəkətləri beynəlxalq hüququn, beynəlxalq münasibətlərin fundamental normalarının, habelə BMT Nizamnaməsinin məqsəd və prinsiplərinin açıq şəkildə pozulmasıdır.

Milli Məclisin deputatı, ƏHD partiyasının sədri Qüdrət Həsənquliyevin dediyi kimi,  Venesuela hadisəsi beynəlxalq hüququn iflasını göstərdi.

İndi isə dünya sürprizlərə hazır olsun.

Hazırladı: Əntiqə Rəşid