Ermənistanın Baş naziri Nikol Paşinyan ABŞ dövlət katibinin müavini Uzra Zeyanı qəbul edib.

OXU24.COM xəbər verir ki, bu barədə hökumətin mətbuat xidməti məlumat yayıb.

"Baş nazir xanım Zeyanın səfərini alqışladı və Ermənistan-ABŞ çoxsahəli əməkdaşlığının ardıcıl inkişafının vacibliyini vurğuladı. Nikol Paşinyan ikitərəfli əməkdaşlıq kontekstində ölkəmizdə demokratik islahatların, xüsusilə ədalət mühakiməsi, korrupsiyaya qarşı mübarizə, effektiv idarəçilik, dövlət xidmətləri, polis və digər sahələrdə səmərəli təşviqdə ABŞ-ın davamlı dəstəyini vurğulayıb. Baş nazir qeyd edib ki, demokratiyanın inkişafı Ermənistan hökuməti üçün strateji və prioritet əhəmiyyət kəsb edir.

Söhbət zamanı Ermənistan və Azərbaycan arasında sülh prosesinə də istinad edilib. Dövlət katibinin müavini vurğulayıb ki, Birləşmiş Ştatlar bundan sonra da iki ölkə arasında həqiqi sülhün bərqərar olmasına, regionda təhlükəsizlik və sabitliyin təmin olunmasına töhfə verəcək", - məlumatda deyilir.