Məşhur "British Journal of Dermatology" tibbi jurnalında dərc olunan araşdırmaya görə, uşaqlar və gənclər də daxil olmaqla, "COVİD-19" keçirən bir çox insanın barmaqlarında və ayaqlarında qızartı və şişkinlik yaranır.

Sonxeber.az-ın "Sözcü"yə istinadən verdiyi xəbərə görə, koronavirusun yan təsirlərini araşdıran mütəxəssislər bildirir ki, bu vəziyyət bədənin virusa qarşı hücum rejiminə keçdiyi zaman müşahidə olunur.

Daha çox uşaq və gənclərdə görülən bu hal əksər vaxtlar ağrısız və allergiya kimi olsa da, bəzən çox şişkin, ağrılı və qaşıntılı ola, bəzən isə iltihablaşa bilər.

Belə vəziyyət bir neçə ay davam edə bildiyi kimi, bir neçə həftə sonra bitə də bilər.