Mehman Məmmədovun şikayətini Baş Prokurorluq nəzarətə götürdü

CityPost.az xəbər verir  ki, Şəmkirli iş adamı, sabiq prokurorluq  əməkdaşı  İbadət Məhərrəmovla Ağstafa rayonu, Köçəsgər  kənd sakini  Mehman  Məmmədov  arasındakı  çəkişmə  artıq pik həddə çatıb.

Şikayətçi M.Məmmədovun  iddiasına  görə,şəmkirli İ.Məhərrəmov  onun  həbsdə  olan oğlu Xəqani Məmmədovun  azadlığa  çıxması üçün  58  min  manat və 4500 ABŞ dolları  məbləğində  pulunu ələ keçirib. Aldığı pulun  müqabilində  şikayətçinin oğluna heç bir hüquqi və mənəvi yardım göstərməyib.  Nəticədə  aldadıldığını  başa  düşən M.Məmmədov  verdiyi pulları geri tələb etsə də,İ.Məhərrəmov onun israrlı tələblərini qulaq ardına vurub,eşitmək istəmir. Əlacsız qalan M.Məmmədov İ.Məhərrəmovun qanunsuz hərəkətlərindən və özbaşnalığından hüquq-mühafizə orqanlarına şikayətlər  edib. 

M.Məmmədovun şikayəti  hazırda  Baş Prokuror yanında Korrupsiyaya qarşı Mübarizə Baş İdarəsində,Tovuz Rayon Polis Şöbəsində,Şəmkir Hərbi Prokurorluğunda  araşdırılır. İbadət Məhərrəmovun oğlanları Yamin,Ramin və Əli Məhərrəmovlar atalarından etdiyi şikayəti geri götürməyi Mehman Məmmədovdan  tələb etmiş, əks təqdirdə  hətta Mehman Məmmədova hədə-qorxu gələrək ona xəsarət yetirəcəklərini  bildiriblər. Məhz, bu səbəbdən M.Məmmədov onların hərbi xidmətdən yayınmalarına dair müxtəlif instansiyalara müraciət edərək məsələni sosial şəbəkələrdə  ictimailəşdirib. 

M.Məmmədov Tovuz Rayon Polis Şöbəsində şikayətinə dair aparılan  araşdırmanı qeyri-obyektiv hesab edərək  narazı qaldığı üçün  baş prokuror  Kamran  Əliyevə müraciət edib. Onun müraciəti Baş Prokurorluqda araşdırılır. Şikayətçi M.Məmmədovun  CityPost.az-a  verdiyi  məlumata görə,O, bu  günlərdə Daxili işlər orqanlarının istintaq, təhqiqat və əməliyyat-axtarış fəaliyyətində qanunların icrasına nəzarət idarəsinin rəisi
III dərəcəli dövlət ədliyyə müşaviri Natiq  Abdullayevdən məktub alıb.
Məktubda  İ.Məhərrəmov barədə  araşdırmanın Tovuz Rayon Prokurorluğunda aparılacağı qeyd olunub.