Erməni gömrükçüləri əcnəbini necə öldürüb? - ŞOK HADİSƏ

Bir neçə gün əvvəl Ermənistanın  Zvartnots hava limanında faciəli hadisə baş verib.

“Dövlət Gəlirləri Komitəsinin gömrük xidmətinin əməkdaşları Braziliyadan Ermənistana uçan sərnişinin əlində şüşəni görüblər və orada nə olduğunu soruşublar, braziliyalı “Şərab” deyə cavab verib”, - “Hraparak” qəzeti yazır.

Gömrükçülər şüşənin içindəkiləri yoxlamaq əvəzinə braziliyalını içindəkiləri içməyə məcbur ediblər, bundan sonra o, qəflətən xəstələnib və bir neçə dəqiqədən sonra dünyasını dəyişib. Məlum olub ki, butulkada narkotik maddə olub.

Ermənistan Daxili İşlər Nazirliyindən bizə verilən məlumata görə, Zvartnots hava limanının xətt şöbəsinə avqustun 8-də təcili tibbi yardım briqadasının hava limanından əcnəbini tibb məntəqəsinə aparması və xəstəxanada dünyasını dəyişməsi barədə məlumat daxil olub. Materiallar ibtidai istintaq orqanına təhvil verilib.

Bu məlumatı İstintaq Komitəsi də təsdiqləyib: ölən şəxs Braziliya vətəndaşıdır. Faktla bağlı Ermənistan Cinayət Məcəlləsinin “Qətl” maddəsinin 1-ci hissəsi ilə cinayət işi başlanıb.

Ermənistan İstintaq Komitəsinin mətbuat katibi Qor Abramyan deyib: “İstintaq aparılır, məhkəmə-tibbi ekspertizası təyin edilib, həmçinin aşkar edilmiş materialın məhkəmə-kimyəvi ekspertizası təyin edilib”.

 

Miri