Sentyabrın 29-na keçən gecə Rusiya ordusu Polşadan Ukraynaya gətirilən, Qərbin raket silahlarından istifadə etmək üçün modernləşdirilmiş iki Miq-29 qırıcısını vurub.

Oxu24.com xəbər verir ki, bu barədə Rusiya Federasiyası Müdafiə Nazirliyinin Telegram-dakı hesabatında deyilir.

"Polşadan gətirilən iki MiQ-29 qırıcısı Nikolayev vilayətindəki Kulbakino aerodromunda məhv edilib", - məlumatda deyilir.

Bundan başqa, Donetsk Xalq Respublikasının (DXR) Kleşçeevka kəndi yaxınlığında hava hücumundan müdafiə sistemləri Ukrayna Hərbi Hava Qüvvələrinə məxsus Mi-8 helikopterini məhv edib.

Bundan əvvəl Rusiya Müdafiə Nazirliyinin mətbuat xidməti xəbər vermişdi ki, Rusiya ordusu sentyabrın 24-dən 29-dək Ukrayna Silahlı Qüvvələrinin silah anbarlarına 9 qrup hücumu həyata keçirib və Xarici Legion birləşməsinin idarəetmə mərkəzini məhv edib. Bundan əlavə, Rusiya Silahlı Qüvvələrinin zərbələri Ukrayna hərbçilərinin və xarici muzdluların yerləşdirildiyi yerlərə, eləcə də diversantların təlim meydançalarına endirilib.

Müəllif: Nigar