Oxu24.com AZƏRTAC-a istinadən bildirir ki, A, S, B1, B3 vitaminləri ilə zəngin tərəvəzin 100 qramının enerji dəyəri 44 kilokaloridir. Acı bibər suyu uzun müddət davam edən güclü baş ağrıları zamanı faydalıdır. Lakin allergiyası olanlar ondan istifadə zamanı ehtiyatlı davranmalıdırlar. Pəhriz saxlayanlar arasında da "acı pəhriz" məşhurdur.

Kosmetologiyada da istiotdan istifadə edilir. Sellülit əleyhinə olan bir çox kremin tərkibində acı bibər var.

Qırmızı və yaşıl rəngdə olan acı bibərin insan orqanizminə faydaları ilə yanaşı, ziyanı da var. Qastrit, mədə xorası, mədə-bağırsaq sistemi xəstəliklərindən əziyyət çəkənlər ondan uzaq olmalıdırlar. Eyni zamanda qaraciyər və böyrək xəstəliklərindən əziyyət çəkənlər də acı bibərdən istifadə etməməlidir.