“Xarı Bülbül Şuşa” və “Xarı Bülbül  Laçın”  voleybol komandalarının üzvləri media vasitəsi ilə ölkə başçısı cənab İlham Əliyevə müraciət ünvanlayıb.

Oxu24.com  xəbər  verir  ki, Şuşa şəhərinin işğaldan azad edilməsi günü  şərəfinə yaradılan voleybol komandası  son günlər ciddi maddi sıxıntılarla üzləşib. 

Heyyətində  bir sıra əcnəbi   oyunçuların da  olduğu komanda  ölkə Prezidentinə müraciət edərək yaranmış çətinliyin aradan qaldırılmasını xahiş  ediblər.

Qeyd edək ki,müraciəti ukraynalı oyunçu Pavel Moroz,kanadalı voleybolçu Zac Hutcheson,İtaliyadan olan oyunçu Andrea Santangelo,Yaponiyadan olan idmançı Keisune Matsuo,serbiyalı  voleybolçu Aleksandr Okoliç,ABŞ-dan olan voleybolçu Diego Villafane,Kanadadan  olan voleybolçu Jake Gomes, Cənubi Azərbaycandan olan oyunçu Salar Qənideqəhrəmanlı,voleybolçu Andrey Melnikov  komandanın təsisçisi və kapitanı İlqar İmamquliyev  və digər voleybolçular edib.

Məlumat üçün  qeyd  edək ki, erməni işğalçılardan azad edilən Şuşa tarixdə ilk dəfə  olaraq  avrokuboklarda “Xarı Bülbül Şuşa”  komandası  ilə  təmsil olunub. “Xarı Bülbül Şuşa” Çelenc Kubokunun 1/32 finalında Slovakiyanın “Spartak” komandasını hər iki görüşdə məğlub edib. Daha sonra  Şuşa klubu ciddi maliyyə  çətinliyi  yaşadığı  zamanda  Yunanıstanın “Panatinaikos” komandası ilə görüşlərdə məğlub olub.

Məlumat üçün qeyd  edək ki, bu ilin  Aprelin 11-də Azərbaycan Voleybol Federasiyasının (AVF) ümumi yığıncağı keçirilib. Dövlət Gömrük Komitəsinin sədri Şahin Bağırov Azərbaycan Voleybol Federasiyasının yeni prezidenti seçilib.