Bakıda transdan şok əməl:Hadisə kameraya düşdü

 Paytaxtın Xətai Rayonu, Xudu Məmmədov 122 ünvanında yerləşən gül mağazasının birində dələduzluq olub. Oxu24.com  Unikal.org-a istinadən xəbər verir ki, dünən saat 17:10 radələrində gül dükanına daxil olan müştəri (yanında bir nəfər də olub) əvvəlcə dəyəri beş manata aldığı gülün pulunu ödəmək üçün yüz manatı kassirə uzadıb. Onun əli dəydikdə isə əskinası geri çəkib və pulunu yenidən pul kisəsinə qoyub. El arasında “qaraçı hipnozu” deyilən çaşdırıcı hərəkətlə kassiri aldadan müştəri ondan 95 manat “pulun qalığını” alaraq, dükanı tərk edib. Sonradan mağaza sahibi təhlükəsizlik kamerasına baxdıqda isə bu şəxsin, ümumiyyətlə, aldığı məhsulun pulunu ödəmədiyi, əksinə, kassadan 95 manatı ona verdikləri məlum olub. Dələduzluq hadisəsi anbaan mağazada quraşdırılan təhlükəsizlik kamerasına düşüb. Mağaza sahibinin məlumata görə, dələduzluq edən həmin şəxs trans olub: “O, tək deyildi. Yanında da başqa bir trans var idi. Hadisə ilə bağlı artıq polisə məlumat verilib”.