Nazirlər Kabineti bu qadağanı ləğv etdi - VİDEO

Müntəzəm marşrut xətləri üzrə avtobuslarda sərinləndirmə sistemləri işə salınacaq.

Bakı Nəqliyyat Agentliyinin mətbuat katibi Mais Ağayev APA TV-yə bildirib ki, Nazirlər Kabineti yanında Operativ Qərargahın tibbi bölməsi və TƏBİB arasında aparılan müzakirələrin nəticəsi olaraq bu qərar verilib:

“Sərinləndirmə sistemləri mütəxəssislərin tövsiyə etdiyi qaydalar nəzərə alınmaqla həyata keçiriləcək və artıq daşıyıcılara bununla bağlı göstərişlər verilib.

Tapşırılıb ki, mərhələli şəkildə sərinləndirmə sistemləri işə salınsın və müvafiq qaydalara əməl olunsun”.

Agentlik bir daha vətəndaşlara nəqliyyat mübadilə mərkəzlərində, dayanacaqlarda və avtobuslarda maskadan istifadə qaydalarına mütləq şəkildə əməl etmələri ilə bağlı çağırış edib.