Xəzər rayonunda narkomaniya əleyhinə tədbir keçirilib

Oxu24.com-a daxil   olan  məlumata  görə, Xəzər  rayonunun   Binə   qəsəbəsində yerləşən  326   saylı  orta  məktəbdə  “Narkotikə  yox  deyək” və “Narkomaniya  sosial  bəladır” mövzusunda  tədbir  keçirilib. 

 

Tədbirdə  Xəzər  Rayon  Polis  İdarəsinin  rəisi   İsfəndiyar   Mehbalıyev  , Şəxsi  Heyət  üzrə   rəisin    köməkçisi     Seyfəl    Leysanov,  Xəzər    Rayon  İcra  Hakimiyyətinin  məsul  şəxsləri, məktəbin   direktoru  Elmnaz  Nadirova   şagirdlər  qarşısında  çıxış   ediblər. 

 

Xəzər  Rayon  Polis  İdarəsinin  rəisi   İsfəndiyar   Mehbalıyev   bəşəriyyətin   ən  böyük  bəlalarından  olan narkomaniyanın cəmiyyətin mənəvi və əxlaqi dəyərlərinə böyük zərbə vurduğunu, sosial-iqtisadi inkişafa mənfi təsir göstərdiyini, insanların həyat və sağlamlıqlarına ciddi təhlükə yaratdığını və cinayətkarlığın artmasına səbəb olduğunu qeyd edib. 

 

İdarə  rəisi  şıxışında  gəncləri  Vətəni,Dövləti  sevməyə, qorumağa  çağırıb. İ.Mehbalıyev  şagirdlər  qarşısında   çıxışında  Azərbaycanın  hər   bir  vətəndaşın   evi  olduğu  və  bu  evin  Şəhidlərimiz  tərəfindən   tikildiyini  qeyd   edib. 

 

 

Daha sonra Xəzər RPİ-nin YYÇPİTB-nin əməkdaşI  polis  baş  leytenantı  Xəyalə Həsənova çıxış edərək   narkotik  vasitələrin  orqanizmə  vurduğu  fəsadlardan danışmış, uşaqların vətənimizə, dövlətimizə sadiq olmağı, ölkəmizin milli qəhrəmanlarını nümunə göstərməklə vətənpərvərlik ruhunda böyümələrini gənclərimizə  tövsiyyə etmişlər.

 

Qeyd edək ki, tədbirin sonunda bu bəlaya düçar olanlar barəsində süjet təqdim olunub.