Qaynar xətt:

(+99450) 247 90 86

Riyaziyyatçının “çekpot sistemi” – Stefan Mandelin lotereya strategiyası  

Riyaziyyatçının “çekpot sistemi” – Stefan Mandelin lotereya strategiyası  

MARAQLI

57

06.04.2026, 17:10

Lotereya tarixində ən çox müzakirə olunan fiqurlardan biri riyaziyyatçı Stefan Mandel hesab olunur. O, müxtəlif dövrlərdə və ölkələrdə lotereya qaydalarını riyazi yanaşma ilə analiz edərək diqqətçəkən nəticələr əldə edib.

Oxu24.com xəbər verir  ki, Stefan Mandel Rumıniyada yaşadığı dövrdə çox aşağı gəlirlə – təxminən 88 dollar aylıq qazancla dolanırdı. Lakin o, ehtimal nəzəriyyəsinə əsaslanan xüsusi yanaşma hazırlayaraq lotereya sistemini təhlil edib.

Onun strategiyasının əsasını bütün mümkün kombinasiya ehtimallarının hesablanması və daha sonra mümkün qədər çox biletin alınması təşkil edirdi. Bu yanaşma nəticəsində o, bir neçə dəfə böyük uduşlar əldə edə bilib.

Ən məşhur hadisələrdən biri ABŞ-ın Virginia ştatı lotereyasında qeydə alınıb. Həmin uduşun məbləği təxminən 27 milyon dollar olub və bu hadisə geniş ictimai rezonans doğurub.

Mütəxəssislərin fikrincə, onun sistemi klassik “şans oyunu” anlayışından daha çox riyazi ehtimal və investisiya modelinə əsaslanırdı. O, investor dəstəyi ilə mümkün bütün kombinasiya variantlarını əhatə edən bilet alışı həyata keçirirdi.

Bu hadisələrdən sonra bir çox ölkədə lotereya qaydalarında dəyişikliklər edilib və sistemlər daha mürəkkəb və məhdudlaşdırıcı hala gətirilib.

Qeyd olunur ki, Stefan Mandel sonradan lotereya fəaliyyətini dayandırıb və ictimai həyatdan uzaqlaşıb.

Mütəxəssislər isə vurğulayır ki, belə nəticələr fərdi istisnalar kimi dəyərləndirilməli və lotereya oyunları sabit qazanc mənbəyi kimi qəbul edilməməlidir.

Jalə