DİQQƏT! Bu 7 cümləni eşidirsinizsə, həyatınız məhv edilir! – Manipulyasiya qurbanı olduğunuzun SÜBUTU  

Psixoloji manipulyasiya qarşı tərəfin sizin hisslərinizdən istifadə edərək öz istəklərini reallaşdırmasıdır. Çox vaxt bu proses o qədər incə baş verir ki, biz bunu fərq etmirik.

Oxu24.com oxucuları üçün manipulyatorların ən çox istifadə etdiyi və "həyəcan təbili" çalan 7 cümləni təqdim edirik:

1. "Əgər məni sevirsənsə, bunu edərsən"

-Bu, ən klassik manipulyasiya formasıdır. Qarşı tərəf sizin sevginizi bir şərtə bağlayır və hisslərinizi "girov" götürür. Sevgi fədakarlıq tələb etsə də, heç vaxt şantaj vasitəsi olmamalıdır.

2. "Sən çox həssassan, hər şeyi böyüdürsən"

-Buna psixologiyada "Gaslighting" deyilir. Sizin haqlı narazılığınızı "həddindən artıq reaksiya" kimi qələmə verərək, özünüzdən şübhə etmənizə şərait yaradırlar. Məqsəd sizin emosional reaksiyalarınızı dəyərsizləşdirməkdir.

3. "Mən bunu sənin yaxşılığın üçün deyirəm/edirəm"

-Sizə zərər verən və ya azadlığınızı məhdudlaşdıran bir hərəkəti "qayğı" maskası altında təqdim edirlər. Bu cümlə adətən tənqid və ya nəzarət cəhdlərini gizlətmək üçün istifadə olunur.

4. "Səndən başqa heç kimə güvənə bilmərəm"

-İlk baxışda xoş görünsə də, bu cümlə sizə ağır bir məsuliyyət yükləyir. Sizi yeganə xilaskar roluna qoyaraq, ondan uzaqlaşmağınızı və ya "yox" deməyinizi qeyri-mümkün edirlər.

5. "Məni buna sən məcbur etdin"

-Manipulyator öz səhvlərinin məsuliyyətini daşımaqdan imtina edir. Onların aqressiyası və ya yanlış hərəkəti üçün günahkar siz çıxırsınız. "Sən elə etməsəydin, mən də belə davranmazdım" məntiqi ilə sizi günahkarlıq hissinə boğurlar.

6. "Hamı mənimlə razıdır, bir tək sən belə düşünürsən"

-Burada manipulyator xəyali bir "çoxluq" yaradır. Sizi təcrid olunmuş və qəribə hiss etdirərək, öz fikirlərinizdən vaz keçməyə və kütləyə (əslində isə ona) tabe olmağa vadar edir.

7. "Mən belə deməmişəm, sən səhv xatırlayırsan"

Yenə bir "gaslighting" nümunəsi. 

Reallığı inkar edərək yaddaşınızı və sağlam düşüncənizi sorğulamağınıza səbəb olurlar. Bu, insanın özünə inamını qıran ən təhlükəli cümlələrdən biridir.

Çimnaz Telmanqızı

Həmçinin oxuyun

Əliyev ad çəkmədi, amma mesaj verdi: Qat-qat baha almışıq! 

Oktyabr üç BÜRC üçün gərgin ay olacaq 

Bakıda avtobus aşıb:Yaralılar var

Maaş və pensiyalar nə qədər artacaq? – Deputatdan YENİ SOSİAL PAKET açıqlaması