Xəbər verdiyimiz kimi, ölkəmizi Konfrans Liqasında təmsil edən “Zirə” üçüncü təsnifat mərhələsində Xorvatiyanın “Osiyek” klubunu mübarizədən kənarlaşdıraraq pley-offa adlayıb.

OXU24.COM  xəbər verir ki, matçın taleyinə penaltilər seriyasında aydınlıq gəlib.

Burada isə diqqət mərkəzinə “Zirə”nin qapıçısı Tiaqo Silva düşüb. O, 5 penaltidən 4-nü dəf etməklə həm gecənin qəhrəmanı olub, həm də komandasını növbəti mərhələyə daşıyıb.

Qeyd edək ki, 24 yaşlı qapıçı Bakı klubuna ötən il transfer olunub. O, daha əvvəl ölkəsinin “Vitoriya Gimaraynş”, “Leyşoyş” və “Trofense” klublarının şərəfini qoruyub.

Tiaqonun dəf etdiyi penaltilərin videosunu təqdim edirik: