Bakıda iki yeniyetmə qardaşa qarşı seksual xarakterli hərəkətlər etməkdə təqsirləndirilən İlqar Mikayılovun barəsində aparılan ibtidai istintaq başa çatıb.

Open.az-ın məlumatına görə, İlqar Mikayılovun barəsində toplanan cinayət işinin materialları baxılması üçün Bakı Ağır Cinayətlər Məhkəməsinə göndərilib.

Cinayət işi hakim Novruz Kərimovun icraatına verilib.

Məhkəmənin hazırlıq iclası yaxın günlərdə keçiriləcək.

Qeyd edək ki, İlqar Mikayılov yeniyetmə qardaşlar Ə.F və D.F ya qarşı seksual xarakterli hərəkətlər edib. Uşaqların valideynlərinin məsələdən xəbərdar olmasından sonra polisə müraciət olunub.

Şikayət əsasında İlqar Mikayılov saxlanılıb.

Ona Cinayət Məcəlləsinin 150.3.3-cü (seksual xarakterli hərəkətlərə məcbur etmə, on dörd yaşına çatmayan şəxsə qarşı törətmə) maddəsi ilə ittiham verilib. Oxu24.com