Qızılağac Milli Parkında qanunsuz ov edən şəxs saxlanılıb
21 Noyabr 2026, 17:17
Qaynar xətt:
(+99450) 247 90 86
KRİMİNAL
927
17.12.2019, 19:38
Lənkəranda qətl hadisəsi törətməkdə təqsirli bilinən 1995-ci il təvəllüdlü Heydər Əlilinin cinayət işi üzrə məhkəmə prosesi başa çatıb.
Oxu24.com Teleqraf.com-a istinadən xəbər verir ki, Lənkəran rayonu Aşağı Nüvədi qəsəbə sakini, 1997-ci il təvəllüdlü Şadman Balayev Heydər Əlilinin bacısına votsapdan tanışlıq məzmunlu "SMS" mətnləri göndərib.
Heydər Əlili bundan qadının əri vasitəsi ilə xəbər tutub. O, qisas almaq niyyəti ilə Şadman Balayevi öldürmək qərarına gəlib. Bu məqsədlə 29 yanvar 2019-cu il tarixdə saat 9 radələrində bacısının ərindən Şadman Balayevin Bakı şəhərinə getmək üçün Lənkəran şəhərində "Ləvəngi dairəsi" adlanan ərazidə yerləşən avtovağzalda olduğunu öyrənib.
Evdən bıçaq götürüb və şalvarının kəmərinə keçirib. O, niyyətini bacısının ərindən gizlədərək sonuncunun idarə etdiyi "VAZ-2106" markalı avtomobillə avtovağzala gəlib.
Heydər Əlili orada Şadman Balayevin avtovağzalın girişində avtobusların yanında dayandığını görüb. O, öldürmək məqsədilə Şadman Balayevə tərəf qaçıb.
Heydər Əlilinin ona tərəf gəldiyini görən Şadman Balayev oradan qaçmaq istəyib. Şadmanın qaçdığını görən Heydər onun arxasınca sürətlə gedib. Heydər Əlili Şadman Balayevi "Xan Lənkəran" restoranının arxa girişinə qədər təqib edib və orada qarşısını kəsərək yumruq və təpiklə vurub.
Daha sonra Şadman Balayevə bir neçə bıçaq xəsarəti yetirib. Şadman Balayev aldığı xəsarətdən hadisə yerində ölüb.
İstintaq orqanı tərəfindən Heydər Əlilinin barəsində Cinayət Məcəlləsinin 120.1-ci (qəsdən adam öldürmə) maddəsi ilə ittiham elan edilib.
Lənkəran Ağır Cinayətlər Məhkəməsinin hökmü ilə Heydər Əlili 10 il 6 ay müddətinə azadlıqdan məhrum edilib.
Hökmdən narazı qalan zərərçəkmişin hüquqi varisi, atası Nail Balayev apelyasiya şikayəti verib. O, qeyd edib ki, Heydər Əlilini oğlunun qətlə yetirilməsinə bacısının əri Ramin Abdullayev təhrik edib.
Hüquqi varis Ramin Abdullayevin məsuliyyətdən kənarda qaldığını, onunda məsuliyyətə cəlb olunması, Heydər Əlilinin isə cəzasının ağırlaşdırılmasını istəyib.
Şikayət araşdırılması üçün Şirvan Apelyasiya Məhkəməsinə göndərilib. Hakim Elşad Əliyevin sədrliyi ilə baş tutan prosesdə apelyasiya şikayətinin dəlilləri araşdırılıb, sonda qərar elan edilib.
Mərhum Şadman Balayevin hüquqi varisi tərəfindən verilən şikayət təmin olunmayıb.
19:14 / 21 Noyabr 2026
152
19:12 / 21 Noyabr 2026
49
18:41 / 21 Noyabr 2026
75
18:29 / 21 Noyabr 2026
87
18:19 / 21 Noyabr 2026
91
18:18 / 21 Noyabr 2026
97
17:54 / 21 Noyabr 2026
168
17:43 / 21 Noyabr 2026
1443
17:30 / 21 Noyabr 2026
129
17:17 / 21 Noyabr 2026
109
17:16 / 21 Noyabr 2026
146
17:08 / 21 Noyabr 2026
141
16:45 / 21 Noyabr 2026
111
16:39 / 21 Noyabr 2026
139
16:26 / 21 Noyabr 2026
268
16:20 / 21 Noyabr 2026
137
16:05 / 21 Noyabr 2026
117
16:00 / 21 Noyabr 2026
169
15:49 / 21 Noyabr 2026
158
15:48 / 21 Noyabr 2026
118
15:36 / 21 Noyabr 2026
149
15:35 / 21 Noyabr 2026
120
15:32 / 21 Noyabr 2026
145
© 2026 Oxu24.com Müəllif hüquqları qorunur.