Bakıda “partladıcı” əməliyyatı: Yanvarın 1-nə qədər hər kəs bunu bilməlidir – CƏRİMƏLƏR  

Yeni il bayramı ərəfəsində küçələrdə, məktəb həyətlərində və bəzi ticarət obyektlərində pirotexniki vasitələrin, xalq arasında “partladıcı” kimi tanınan məmulatların istifadəsi kütləvi hal alır. Lakin bir çoxları bilmir ki, bu vasitələrin həm satışı, həm də istifadəsi qanunla tənzimlənir və ciddi cərimələrə səbəb ola bilər.

Oxu24.com İnzibati Xətalar Məcəlləsinə əsasən, bu il tətbiq olunacaq cərimələrin siyahısını təqdim edir:

-Satanları nə gözləyir?

Mülki dövriyyəsi məhdudlaşdırılmış əşyaların (pirotexnika, fişəng və s.) qanunsuz satışı ilə məşğul olan şəxsləri Maddə 442-yə əsasən aşağıdakı cərimələr gözləyir:

1)Fiziki şəxslər: 20 manatdan 30 manatadək

2)Vəzifəli şəxslər: 40 manatdan 60 manatadək

3)Hüquqi şəxslər: 150 manatdan 200 manatadək məbləğdə cərimə olunur.

Qeyd: Satılan bütün pirotexniki məhsullar polis tərəfindən müsadirə edilir.

-Atanlar və səs-küy salanlar diqqətli olsun!

Əgər bu vasitələrdən istifadə edərək ictimai asayişi pozursunuzsa və ya əhalinin dinc istirahətinə mane olursunuzsa, bu, Maddə 510 (Xırda xuliqanlıq) kimi qiymətləndirilir:

1)50 manatdan 100 manatadək cərimə

2)İşin hallarına görə 15 günədək inzibati həbs təhlükəsi.

DİN-dən ciddi xəbərdarlıq

Daxili İşlər Nazirliyi artıq paytaxt və bölgələrdə reydlərə başlayıb. Xüsusilə azyaşlıların bu cür təhlükəli oyuncaqlardan istifadə etməsi həm ağır bədən xəsarətlərinə (yanıqlar, göz xəsarətləri), həm də yanğınlara səbəb ola bilər. Valideynlərə tövsiyə olunur ki, övladlarının bu cür vasitələrdən istifadəsinə yol verməsinlər, əks halda məsuliyyət valideynlərin üzərinə düşəcək.

 Bayramı xəstəxanada və ya polis bölməsində deyil, ailənizlə birlikdə xoş keçirmək üçün qanunlara riayət edin!

Çimnaz Telmanqızı

Həmçinin oxuyun

Bakıda bu evlər SÖKÜLƏCƏK -VİDEO

Azərbaycanda ardıcıl 5 gün tətil olacaq 

16 mayda bizi nələr GÖZLƏYİR? — ULDUZ FALI

Azərbaycanda yeni universitet YARADILACAQ? Təhsil ekspertindən strateji baxış – ÖZƏL