Sumqayıt şəhəri, Heydər Əliyev prospekti, 2-ci mikrorayon ərazisində yerləşən apteklərdən birindən gecə saat 04:21 radələrində Mərkəzi Mühafizə Məntəqəsinə “həyəcan” siqnalı daxil olub.

Daxili İşlər Nazirliyi Baş Mühafizə İdarəsindən  verilən məlumata görə, hadisəyə Sumqayıt Şəhər Mühafizə İdarəsinin əməkdaşları tərəfindən vaxtında çevik reaksiya göstərilib.
Cəmi 1 dəqiqə ərzində hadisə yerinə yaxınlaşan polislər aptekin qapısının sındırıldığını və bir nəfərin içəridə olduğunu görüblər. Həmin şəxs oğurluq etmək istəyən yerdə saxlanılaraq ərazi üzrə Polis Bölməsinə təhvil verilib.
Qeyd edək ki, saxlanılan şəxsin aptekə oğurluq niyyəti ilə daxil olması və mühafizə polisləri tərəfindən saxlanılması obyektin təhlükəsizlik kameraları vasitəsilə də anbaan lentə alınıb. Tutulan zaman həmin şəxs polis əməkdaşlarına müqavimət göstərərək hadisə yerindən qaçmağa cəhd göstərsə də, onun bu niyyətinin qarşısı alınıb. Polis Bölməsində araşdırma zamanı oğurluq edən şəxsin Sumqayıt şəhər sakini Emin Nəzərov olduğu məlum olub.
Faktla bağlı E.Nəzərov barəsində araşdırmalar davam etdirilir.

Günün digər xəbərləri: Polis Sumqayıtda baş vermiş hadisənin görüntüsünü yaydı+VİDEO

Ağstafada bazarda güllələnən şəxslərin FOTOLARI yayıldı: Ölən qadın və iki oğlu imiş-ŞOK TƏFƏRRÜAT

Rayona gedən Gülay geri qayıdarkən bacısını əri ilə yataqda tutdu -Azərbaycanda+VİDEO

Sürət Hüseynovun SENSASİON SƏS YAZISI: "Bu gədələr biqeyrətlik edərək ermənilərlə bacı-qardaş olmuşdular"+AUDİO



Oxu24.com