Ağstafada dörd 15 yaşlı qız hamilə qalıb? - DİN-dən açıqlama

  Ağstafa rayonunda 15 yaşlı dörd yeniyetmənin bir gündə hamiləlik diaqnozu ilə xəstəxanaya yerləşdirildiyinə dair xəbər yayılıb.

Məlumata görə, mayın 23-də rayon sakinləri olan dörd hamilə qız Ağstafa Rayon Mərkəzi Xəstəxanasına daxil olub. İddiaya görə, onların heç birinin hələ 18 yaşı tamam olmayıb. DİN-in Mətbuat Xidmətinin rəis müavini, polis polkovniki Orxan Mansurzadə Oxu.Az-a məsələ ilə bağlı açıqlama verib. Bildirib ki, hadisənin mahiyyəti təhrif olunub: “Xəstəxanaya müraciət edən dörd hamilənin hər biri gənc xanımdır və daha çox yaşları var. Onların hər biri rəsmi nikah qurmuş şəxslərdir. Onlar hamiləlik dövrü keçirdikləri üçün rayon xəstəxanasına müraciət ediblər”.