Ər alimentə görə keçmiş  arvadını məhkəməyə verdi,qadın da cehizlərini tələb etdi -  MƏHKƏMƏ

Alimenti ödəmədiyinə görə keçmiş həyat yoldaşından şikayət edən Həmidov Rasim barədə məlumat vermişdik.

Oxu24.com xəbər verir ki, 2022-ci ilin oktyabrında Sumqayıt Şəhər Məhkəməsinə müraciət edərək  həyat yoldaşı Həmidova Sevinc Baxşeyiş qızı ilə boşanmaq istədiyini və 3 övladı üçün qarşı tərəfindən aliment tələb etdiyini iddia ərizəsində qeyd edib. Ər arvadını boşaya bilsə də, məhkəmənin kəsdiyi alimenti illərdir ondan ala bilmir.

Məhkəmə qətnaməsini yerinə yetirməkdən imtina edən Sevinc Həmidova çıxış yolu kimi keçmiş həyat yoldaşı Rasim Həmidovu məhkəməyə verməkdə görüb.

O,Laçın Rayon Məhkəməsinə iddia ərizəsi ilə müraciət edərək  79 min manatlıq cehiz gətirdiyi və onları geri istədiyini iddia edib.

Dünən  hakim Cavad İbrahimovun sədrliyi ilə  Laçın Rayon Məhkəməsində S.Həmidovanın mənə qarşı qaldırdığı 79 min manatlıq mülk iddiasına baxılıb.

Həmçinin oxuyun

D vitamini çatışmazlığı zamanı nə baş verir? 

Bakıda üçüncü sinif şagirdi qəfil vəfat etdi 

Bakıda şok hadisə: Məscidə gedən qız axund tərəfindən qaçırıldı +VİDEO 

SON DƏQİQƏ! İran bu dəqiqələrdə zərbə endirdi 

Məhkəmə S.Həmidovanın iddiasını qismən təmin edib. Qərara əsasən Rasim Həmidov keçmiş həyat yoldaşına cehizlərin müqabilində  5100 manat məbləğində pul ödəməlidir. R.Həmidov məhkəmənin bu qərarını ədalətsiz hesab etdiyini bildirib.

"Hüquqi normalara əsaslanan,qanun çərçivəsində verdiyim vəsatətlər heç bir əsas göstərilmədən qərəzli şəkildə hakim Cavad İbrahimov tərəfindən təmin edilmədi. Proses boyunca S.Həmidova və qardaşı hakimin gözləri qarşısında məni dəfələrlə söyüb,təhqir etdilər.Hakim Cavad İbrahimov hansı səbəbdənsə,onların bu hərəkətlərinə heç bir reaksiya vermədi.Qarşı tərəfin  iddiası isə qismət təmin edildi.Məhkəmə S.Həmidovanın guya 5100 manatlıq yorğan-döşək və qızıl əşyaları cehiz gətirdiyinə dair qanunsuz qərar qəbul etdi.Sözsüzki,yuxarı instansiya məhkəmələrinə qərardan şikayət verəcəm",-deyə R.Həmidov bildirib.

Qeyd edək ki, Rasim Həmidov keçmiş həyat yoldaşının 3 uşaq üçün ödənilməli olan hər ay,hər  uşağa  görə  150 manat sabit pul məbləğində aliment ödənilməsi barədə çıxarılan məhkəmə qətnaməsinin icra olunmaması barədə rəsmi qurumlara şikayət edib. Bu məsələ ilə bağlı Ədliyyə nazirinin müavini,III dərəcəli dövlət ədliyyə müşaviri Mübariz Əhmədov  vətəndaşı  may ayında  qəbul edib.

R.Həmidov  görüş zamanı nazir müavini M.Əhmədova  Ağcabədi Rayon İcra və Probasiya Şöbəsinin icra  məmuru Bəhruz Cəfərovun qanunsuz əməllərindən,məhkəmənin qətnaməsinin qəsdən icra olunmamasından və Ədliyyə Nazirliyinin İstintaq Şöbəsinin müstəntiqi Seymur Xəlilovun işə birtərəfli  və qərəzli yanaşmasından şikayətçi olduğunu bildirib.

Qeyd edək ki,Sevinc Həmidova  məhkəmə qətnaməsini icra etmədiyinə görə,Azərbaycan Respublikası CM-nin 306-cı maddəsinin tələblərinə uyğun olaraq   cinayət işi açılıb və  materiallarının   tədbir görülməsi üçün  müvafiq məhkəməyə göndəriləcək.

Qeyd edək ki,vəkil Şəms Mirzəyeva bundan öncə alimenti ödəməyənlərin hansı məsuliyyəti daşıdığı barədə açıqlama vermişdi.

Miri Məcidli