Cəlilabadda yol-nəqliyyat hadisəsi baş verib.

Daxili İşlər Nazirliyinin Mətbuat Xidmətinin Lənkəran regional qrupundan OXU24.COM -a verilən məlumata görə, hadisə Cəlayir kəndində baş verib.

1964-cü il təvəllüdlü Vahid Əsgərov idarə etdiyi VAZ 2106 markalı avtomobillə hərəkətdə olarkən piyada, T.Əmiyevanı vurub. İdarəetməni itirən sürücü daha sonra qarşıdan gələn K.Məmmədovun idarə etdiyi VAZ 2107 avtomobilə toqquşub. Qəza nəticəsində V.Əsgərov ölüb, piyada və digər sürücü isə bədən xəsarətləri alıblar. Araşdırma aparılır.