Azərbaycan neftinin qiyməti 98 dolları ötüb
20 Noyabr 2026, 10:00
Qaynar xətt:
(+99450) 247 90 86
İQTİSADİYYAT
417
30.08.2026, 17:25
“Expressbank”ın nağd kredit şərtlərində dəyişiklik edilib.
Oxu24.com "Plat.az"a istinadən xəbər verir ki, “Expressbank” nağd istehlak kreditləri üzrə minimum faiz dərəcəsini aşağı salsa da, kredit üzrə tutula biləcək maksimum komissiyanı artırıb.
Təminatsız nağd kredit üzrə illik faiz dərəcəsi əvvəlcə 9,9%-dən, komissiya isə 0-3% intervalında təklif edilirdi.
Avqustun 28-dən isə bank kredit üzrə minimum illik faiz dərəcəsini 8,5%-ə endirib. Bununla yanaşı, komissiyanın maksimum həddi 3%-dən 5%-ə qaldırılıb.
Beləliklə, kredit üzrə minimum faiz dərəcəsi 1,4 faiz bəndi və ya 14,1% azaldıldığı halda, maksimum komissiya 2 faiz bəndi və ya 66,7% artırılıb.
Kreditin digər əsas şərtlərində isə dəyişiklik görünmür. Təminatsız kredit üzrə maksimum məbləğ 40 min manat, müddət isə 59 ayadək olaraq qalır.
Yeni şərtlərə əsasən, maksimum 5%-lik komissiya tətbiq edilərsə, 10 min manat kredit üzrə birdəfəlik komissiya 500 manat, 20 min manat kredit üzrə 1 000 manat, 40 min manat kredit üzrə isə 2 000 manat təşkil edə bilər. Əvvəlki 3%-lik maksimum həddlə bu məbləğlər müvafiq olaraq 300, 600 və 1 200 manat idi. Beləliklə, 40 min manatlıq kreditdə mümkün maksimum komissiya xərci 800 manat artıb.
Bu baxımdan, bank kreditin reklam olunan minimum faizini aşağı salsa da, komissiyanın yuxarı həddinin artırılması müştərinin kredit üzrə ümumi xərcinə təsir edə bilər. Konkret kreditin real maya dəyəri isə müştəriyə tətbiq olunan faiz, komissiya və kredit müddətindən asılı olacaq.
Qeyd edək ki, bankın təqdim etdiyi məlumatda kreditlər üzrə FİFD 11,9%-36,6% intervalında göstərilir.
10:20 / 20 Noyabr 2026
13
10:20 / 20 Noyabr 2026
19
10:16 / 20 Noyabr 2026
38
10:10 / 20 Noyabr 2026
51
10:10 / 20 Noyabr 2026
45
10:03 / 20 Noyabr 2026
145
10:00 / 20 Noyabr 2026
80
10:00 / 20 Noyabr 2026
79
09:51 / 20 Noyabr 2026
68
09:46 / 20 Noyabr 2026
69
09:41 / 20 Noyabr 2026
75
09:34 / 20 Noyabr 2026
97
09:31 / 20 Noyabr 2026
486
09:26 / 20 Noyabr 2026
74
09:14 / 20 Noyabr 2026
82
09:01 / 20 Noyabr 2026
63
08:37 / 20 Noyabr 2026
60
23:55 / 19 Noyabr 2026
160
23:26 / 19 Noyabr 2026
204
23:22 / 19 Noyabr 2026
207
23:15 / 19 Noyabr 2026
216
23:15 / 19 Noyabr 2026
194
23:06 / 19 Noyabr 2026
483
© 2026 Oxu24.com Müəllif hüquqları qorunur.