Messi: Qvardiola dünya futboluna zərər verib

Oxu24.com Marca-a istinadən  xəbər verir ki, "İnter Mayami"nin futbolçusu Lionel Messi İngiltərənin "Mançester Siti" klubunun baş məşqçisi Pep Qvardiolanın dünya futboluna xələl gətirdiyi barədə fikirlərini bildirib.

 

“O, təkcə İspaniyada deyil, dünyada futbolu dəyişdirdi. Bu səbəbdən o, hətta futbola xələl gətirdi. İndi çoxları öz üslublarını inkişaf etdirmək əvəzinə onu təqlid etməyə çalışırlar”, - Messi bildirib.

“Mançester Siti” İngiltərə Premyer Liqasının (APL) turnir cədvəlində 28 xalla birinci yerdədir.

2023-cü ilin yayında Messi iki mövsüm Fransa PSJ-də keçirdikdən sonra İnter Mayamiyə keçdi. O, iyulun 22-də ilk matçda cərimə zərbəsindən qol vuraraq ABŞ klubunda debüt etdi. Avqustun 20-də argentinalı Amerikada ilk kubokunu qazandı. "İnter Mayami" turnirin final matçında "Nashville"i penaltilər seriyasında məğlub edərək (10:9) Liqa Kubokunu qazanıb.

Oktyabrın 8-də “İnter Mayami” MLS-in adi mövsümünün matçında “Cincinnati”yə uduzdu və turnir cədvəlinin sondan əvvəlki pilləsində qalaraq, turnirin pley-off mərhələsinə çıxmaq şanslarını itirdi.

 

Müəllif: Azər