Rusiyanın birinci raketkası olan tennisçi Daria Kasatkina Əbu-Dabidə keçirilən turnirin finalına yüksəlib.

Oxu24.com  xəbər  verir  ki, yarımfinal görüşündə Kasatkina Braziliya təmsilçisi Beatrice Haddad-Maiaya qalib gəlib. Görüş 6:3, 4:6, 7:6 (7:2) hesabı ilə Kasatkinanın xeyrinə başa çatıb. Qarşılaşma 3 saat 2 dəqiqə davam edib.

Kasatkina bir eys və dörd ikiqat səhv vurub.

Həlledici görüşdə Kasatkina Yelena Rıbakina - Lyudmila Samsonova görüşünün qalibi ilə qarşılaşacaq.

Avstraliyanın açıq çempionatında dünyanın 44-cü raketkası amerikalı Sloan Stivensə 6:4, 3:6, 3:6 hesabı ilə məğlub olan Kasatkina ikinci raundda mübarizədən kənarlaşdırılıb.

 Nigar