Rusiyalı idmançı  dopinqə görə diskvalifikasiya olunub

2021-ci il ağır atletika üzrə dünya çempionatının mükafatçısı,rusiyalı idmançı  Yana Sotiyeva antidopinq qaydalarını pozduğuna görə iki il müddətinə diskvalifikasiya edilib.

 

Oxu24.com  xəbər  verir  ki, bu barədə Rusiya Antidopinq Agentliyinin (RUSADA) rəsmi saytında məlumat verilib.

 

RUSADA-nın antidopinq qaydalarının pozulması ilə bağlı işlərə ilkin baxış komissiyası, idmançı Sotieva Yananı Ümumrusiya Antidopinq Qaydalarının 4.1 və 4.2-ci bəndlərinə əsasən pozduğuna görə 2 il müddətinə diskvalifikasiya etmək qərarına gəlib.

 

21 yaşlı ağır atlet 2021-ci ildə Daşkənddə (Özbəkistan) keçirilən dünya çempionatında -76 kq çəki dərəcəsində bürünc medal qazanıb. Elə həmin il Moskvada keçirilən Avropa çempionatında ikinci oldu.

 

2019-cu ilin dekabrında Ümumdünya Antidopinq Agentliyinin (WADA) Lozannadakı İcraiyyə Komitəsi uyğunluq komitəsinin tövsiyələrini yekdilliklə qəbul edib və RUSADA-nı statusundan məhrum edib.

 

Müəllif: Nigar