DİN-in həbs etdiyi şəxsi məhkəmə azadlığa buraxdı +FOTO

Ağır maddələrlə ittiham olunan şəxsin günahsız olduğu məlum olub.

 

Oxu24.com xəbər  verir  ki,Azərbaycan Respublikası DİN-nin Baş İstintaq və Təhqiqat İdarəsinin Ağır cinayətlərin istintaqı şöbəsində istintaq olunan cinayət işi üzrə şirkətin rəsmi sənədlərini saxtalaşdırıb istifadə etməklə qeyri-qanuni olaraq bank hesabından əməliyyatlar aparmaqla xeyli miqdarda pul vəsaitini oğurlamağa cəhddə və digər şəxsə xüsusilə külli miqdarda ziyan vurmaqda ittiham olunaraq barəsində həbs qətimkan tədbiri seçilmiş

Əsədzadə Radim Rasim oğlu  Bakı şəhəri, Səbail rayon məhkəməsinin hakimİ  Günel Səmədovanın 18.11.2023-cü il tarixli qərarı ilə məhkəmənin iclas zalından həbsdən azad edilib.

 

 

Vəkil Sadiq Əfəndiyev bildirib ki,  təqsirləndirilən şəxsə verilmiş ittiham hər hansı  mötəbər sübutlara əsaslanmamışdı.

 

Vəkilin  sözlərinə  görə, eləcə də hər hansı maddi və prosessual hüquqi əsas olmadan onun barəsində əsassız olaraq həbs qətimkan tədbiri seçilmişdir.

 

"Təbii ki, belə bir vəziyyətdə seçilmiş həbs qətimkan tədbiri əsassız və qanunsuz hesab olunduğu üçün qüvvədə qala bilməzdi. Ona görə də həbsin əsassızlığı ilə bağlı dəlillərimiz məhkəmə tərəfindən nəzərə alınaraq təqsirləndirilən şəxs həbsdən azad edildi,- deyə vəkil Sadiq  Əfəndiyev bildirib.

 

Müəllif: Miri Məcidli