Bu şəxslərə pul ödənilməlidir - Hüquqşünas qanunları izah etdi

 

Oxu24.com  yeni  layihəsində  oxuculara  hüquqi  maarifləndirmə  mövzusunda  yazıları  təqdim   edir.  Bu  dəfə  təqdim  etdiyimiz  mövzu  məzuniyyətlə  bağlıdır.

 

 

SUAL: Mən işlədiyim son 3 ildə məzuniyyətə çıxmamışam. Əgər mən işdən çıxaramsa, istifadə etmədiyim məzuniyyətlərə görə pul əvəzi tələb edə bilərəmmi?

 

Mövzu  ilə  bağlı   oxu24.com-a   açıqlama  verən   hüquqşünas  Yalçın   Hacızadə   bildirib   ki,  Əmək  Məcəlləsinin  144-cü  maddəsinə  görə, əmək  müqaviləsinə  xitam verilməsinin  səbəbindən və əsasından asılı olmayaraq işçiyə işdən çıxan günədək hər hansı şərt və ya məhdudiyyət qoyulmadan istifadə etmədiyi bütün iş illərinin əsas məzuniyyətlərinə görə pul əvəzi ödənilməlidir.

 

Lakin əmək münasibətlərinə xitam verilərkən bu Məcəllənin 115 və 116-cı maddələrində nəzərdə tutulmuş əlavə məzuniyyətlərə, təhsil və yaradıcılıq məzuniyyətlərinə, habelə sosial məzuniyyətlərə görə pul əvəzi verilmir. Müəyyən iş ilinə görə əmək məzuniyyətindən istifadə etmiş işçinin əmək müqaviləsinə həmin iş ili başa çatanadək xitam verilərkən ödənilmiş məzuniyyət haqqının müvafiq hissəsi işçidən tutula bilər.