“Mübahisələr məhkəmədən kənar həll oluna bilərmi?” – Vəkil İsmayıl Kəngərlinin CAVABI

“YouTube” platformasında yayımlanan “Kazusmedia” hüquq layihəsinin növbəti buraxılışı tamaşaçıların ixtiyarına təqdim olunub. 

Oxu24.com xəbər verir ki, Budəfəki buraxılışın qonağı Vəkillər Kollegiyasının üzvü, “Kəngərli və Partnyorları” Vəkil Bürosunun müdiri, təcrübəli vəkil İsmayıl Kəngərli olub. 

O, müsahibə zamanı uzun illər ərzində vəkillik fəaliyyəti dövründə qarşılaşdığı maraqlı və yaddaqalan hadisələrdən, peşənin tələb etdiyi yüksək məsuliyyət və üzləşilən çətinliklərdən ətraflı bəhs edib.

Layihə qısa, dinamik və maarifləndirici formatı ilə seçilir. Veriliş zamanı qonağa hüquq sahəsində aktual məsələlər, peşəkar yanaşmalar və şəxsi baxışları əhatə edən 7 əsas sual ünvanlanır. Hər suala 1 dəqiqəlik cavab limiti müəyyən edilməsi proqramı daha yığcam, informativ və izləyicilər üçün cəlbedici edir. Bu format hüquqşünasların fikirlərini konkret və dolğun şəkildə ifadə etməsinə, tamaşaçıların isə əsas məqamlara fokuslanmasına imkan yaradır.

İsmayıl Kəngərli müsahibəsində qeyd edib ki, intellektual olmaq hər bir peşə sahibi üçün üstünlükdür, lakin vəkil üçün əsas meyar peşə biliklərinin dərinliyi və praktiki bacarıqlardır. Onun sözlərinə görə, vəkil öz sahəsini mükəmməl bilməli və hər bir işə peşəkar yanaşmalıdır. Qonaq eyni zamanda mübahisələrin məhkəmədənkənar həlli mexanizmlərinin effektivliyi məsələsinə də toxunaraq bu yanaşmanın bir sıra hallarda daha səmərəli nəticə verə biləcəyini vurğulayıb.

Qeyd edək ki, “Hüquqşünasa 7 sual, 7 cavab” layihəsi hüquqşünasların şəxsi təcrübəsini, peşəyə baxışlarını və hüquqi mövqelərini ictimaiyyətə çatdırmaqla yanaşı, hüquqi maarifləndirmə missiyasını da həyata keçirir. Layihə cəmiyyətdə hüquq mədəniyyətinin inkişafına töhfə verməyi, gənc hüquqşünaslarda motivasiyanı artırmağı və hüquqa marağı gücləndirməyi hədəfləyir.

Daha ətraflı videoda:  https://www.youtube.com/watch?v=32aWDBICIdA

Həmçinin oxuyun

Pensiyalarla bağlı RƏSMİ AÇIQLAMA

Bu təqaüdlər artırılır?   — Ekspert AÇIQLADI

100 manat - 3 bal dəyərində cəriməsi var   —  SÜRÜCÜLƏRƏ XƏBƏRDARLIQ

Milli Məclis mühüm qərarlar qəbul edib