Hüquqi maarifləndirmə: mirasdan imtina edən şəxs onu geri tələb edə bilərmi?

HÜQUQ

458

08.01.2026, 22:58

Miras payından imtina edən vərəsə yenidən pay tələb edə bilərmi?

Miras payından imtina etmiş şəxsin sonradan həmin payı yenidən tələb etməsi qanunvericiliyə əsasən mümkün deyil.

Oxu24.com məlumat verir ki,Azərbaycan Respublikası Mülki Məcəlləsinin 1256-cı maddəsinə görə, vərəsə vərəsəliyə çağırıldığını bildiyi və ya bilməli olduğu gündən etibarən 3 ay müddətində mirası qəbul etməkdən imtina edə bilər. Üzrlü səbəblər olduqda bu müddət məhkəmə tərəfindən 2 aydan artıq olmamaq şərti ilə uzadıla bilər. Mirasdan imtina mütləq qaydada notariat orqanında rəsmiləşdirilməlidir.

Məcəllənin 1257-ci maddəsində isə bildirilir ki, mirasın qismən qəbuluna və ya qismən imtinasına yol verilmir. Vərəsənin mirasın yalnız bir hissəsindən imtina etməsi və ya hər hansı şərt qoyması, onun tam şəkildə mirasdan imtina etməsi kimi qiymətləndirilir.

Həmçinin oxuyun

Mayası xəyanət olan Kadırovlar: Çeçen savaşından Kremlin qucağına qədər

4 erməni məhbus buna görə qaytarılıb - Səbəb açıqlandı

Əzələ əriməsi ciddi simptomdur – Həkim RƏYİ

Maaşların verilmə müddəti dəyişdirildi - YENİ QAYDA

Bundan əlavə, 1268.1-ci maddəyə əsasən, vərəsə mirası qəbul etməkdən imtina etdiyi barədə verdiyi ərizəni sonradan geri götürə bilməz. Yalnız fəaliyyət qabiliyyəti olmayan və ya məhdud fəaliyyət qabiliyyətli şəxslərin mirasdan imtinasına məhkəmənin icazəsi ilə yol verilir.

Beləliklə, qanunvericilik mirasdan könüllü imtina etmiş şəxsin sonradan bu qərarı dəyişərək miras payını yenidən tələb etməsinə imkan vermir.

Miri Məcidli