İşdən çıxarılan şəxslərin DİQQƏTİNƏ: Hansı ödənişləri və güzəştləri tələb edə bilərsiniz?

Azərbaycanda işçilərin sayının azaldılması və ya ştatların ixtisarı zamanı vətəndaşların hüquqları Əmək Məcəlləsinin 77-ci maddəsi ilə qorunur. Bir çox hallarda işçilər öz hüquqlarını bilmədiyi üçün qanunla onlara düşən ödənişlərdən məhrum olurlar.

Oxu24.com xəbər verir ki, qüvvədə olan qanunvericiliyə əsasən, işəgötürən və işçi arasındakı münasibətlərdə bu mühüm təminatlar nəzərdə tutulub:

-2 ay əvvəl xəbərdarlıq və "iş axtarma günü"

İşəgötürən ştat ixtisarı zamanı işçini ən azı iki ay əvvəl rəsmi şəkildə xəbərdar etməlidir. Maraqlı məqam budur ki, həmin iki aylıq xəbərdarlıq müddəti ərzində işçiyə yeni iş tapmaq üçün hər həftə azı bir iş günü icazə verilməlidir və həmin gün üçün əməkhaqqı tam ödənilməlidir.

Hansı ödənişlər verilməlidir?

Məcəllənin 70-ci maddəsinin "a" və "b" bəndləri ilə işdən çıxarılanlara aşağıdakılar ödənilir:

1)Orta əməkhaqqından az olmamaqla işdənçıxarma müavinəti

2)İşdən çıxdığı gündən yeni işə düzələnədək, ikinci və üçüncü aylar üçün də orta əməkhaqqı (müvafiq arayışlar əsasında).

2 aylıq maaşı birdəfəyə alıb çıxmaq olar?

İşçinin razılığı olduğu halda, işəgötürən 2 aylıq xəbərdarlıq müddətini gözləmədən, həmin müddətin əvəzinə iki aylıq əməkhaqqını birdəfəyə ödəməklə müqaviləyə xitam verə bilər.

Vəfat halında və digər xüsusi hallarda ödənişlər

Qanunvericilik həmçinin işçinin vəfatı ilə bağlı maraqlı bəndi də özündə əks etdirir. Belə ki, işçinin vəfatı ilə əlaqədar əmək müqaviləsinə xitam verildikdə, vəfat edənin vərəsələrinə orta aylıq əməkhaqqının üç misli miqdarında müavinət ödənilir.

Həmçinin oxuyun

Dilarə Əliyevadan həyat yoldaşı ilə bağlı ürəkdağlayan PAYLAŞIM  

Eldar Əzizov Suraxanıya getdi – Töhmət verdiyi icra başçısıyla görüşdü 

İran ABŞ-nin “F-35”ni necə vurub? – Dünyanı şoka salan detal  

Martın 23-ü ilə bağlı XƏBƏRDARLIQ: DOLU DÜŞƏCƏK,QAR YAĞACAQ

Əsgərliyə gedənlərin iş yeri saxlanılırmı?

Müəssisənin ləğvi istisna olmaqla, hərbi xidmətə çağırılan işçilərin iş yeri və vəzifəsi saxlanılır. Onlar tərxis olunduqdan sonra 60 təqvim günü ərzində həmin müəssisədə əvvəlki və ya buna bərabər vəzifəyə qayıtmaq hüququna malikdirlər.

Oxu24.com xatırladır ki, valideynlərini itirmiş və kimsəsiz uşaqlar üçün əlavə güzəştlər də mövcuddur.

İşəgötürənlər belə şəxsləri ixtisar etdikdə onların yeni peşə hazırlığına cəlb olunmasını təmin etməlidirlər.

Çimnaz Telmanqızı