NATO tərəfindən təltif edilmiş  ŞƏHİDİMİZ 

 Bu gün NATO tərəfindən təltif olunan qəhrəman şəhidimiz mayor Rəhim Hüseynovun anım günüdür

Qürurla yad edirik.

Oxu24.com  bildirir ki,Azərbaycan Silahlı Qüvvələrinin mayoru olan Rəhim Qədir oğlu Hüseynov 1984-cü il iyulun 1-də Zərdab rayonunda anadan olub. 1998-2001-ci illərdə Cəmşid Naxçıvanski adına Hərbi liseydə, 2001-2005-ci illərdə Heydər Əliyev adına Azərbaycan Ali Hərbi Məktəbində təhsil alıb. 2005–2006-cı illərdə Silahlı Süvvələrin Təlim və Tədris Mərkəzində təhsilini davam etdirib. Rəhim Hüseynov Azərbaycan Silahlı Qüvvələrinin tərkibində NATO-ya bəyan edilən və dəfələrlə götürdüyü öhdəliyi müvəffəqiyyətlə yerinə yetirən Əməliyyat İmkanları Konsepsiyası (OCC Bn) taborunun komandiri idi. O, 2020-ci ildə NATO-nun Əfqanıstan İslam Respublikasında Qətiyyətli Dəstək- qeyri-döyüş missiyasında Azərbaycan sülhməramlı kontingentinin və eyni zamanda Həmid Karzai Beynəlxalq Hava Limanının (HKIA) Qüvvə Qorunması taborunun komandiri vəzifəsində "NATO Meritorious Service" Medalı (NATO-nun ləyaqətli xidmət medalı) ilə təltif olunan ilk və tək azərbaycanlı zabit olub.

Xidmət müddəti ərzində NATO təlimləri və kursları çərçivəsində dünyanın müxtəlif ölkələrində Azərbaycan Silahlı Qüvvələrini layiqli şəkildə təmsil edən, Azərbaycan bayrağını şərəflə daşıyan mayor Rəhim Hüseynov 2020-ci ilin 27 sentyabrında başlanan Vətən müharibəsi zamanı Füzuli, Cəbrayıl və Qubadlının azadlığı uğrunda gedən döyüşlərdə iştirak edib və 20 oktyabr tarixində Qubadlı istiqamətində döyüş tapşırığını yerinə yetirərkən qəhrəmancasına şəhid olub.

Rəhim Hüseynov göstərdiyi qəhrəmanlığa görə Azərbaycan Respublikasının Prezidenti İlham Əliyevin Sərəncamına əsasən ölümündən sonra "Vətən uğrunda", "Cəbrayılın azad olunmasına görə", "Qubadlının azad olunmasına görə" medalları və "Qarabağ" ordeni ilə təltif edilib.

Həmçinin oxuyun

İran bu ölkəyə zərbə endirdi 

 ŞAD XƏBƏR: Bayrama görə bu şəxslərə 500 manat veriləcək

Torpağın çıxarışı olsa da, evə niyə çıxarış almaq mümkün olmur?  

Faizlə verilən borca görə polis müdaxilə edə bilərmi?  

Ruhu şad olsun!