ABŞ Tayvan uğrunda döyüşə hazırlaşır

ABŞ Yaponiyanın Nansey adalar silsiləsində və Filippində “Tayvanda gözlənilməz vəziyyət yaranarsa” raket birləşmələrinin yerləşdirilə biləcəyi müvəqqəti hərbi bazalar yaradacaq.

 

Oxu24.com xəbər verir  ki, bu barədə Yaponiyanın “Kyodo” xəbər agentliyi “Yaponiya-Amerika münasibətlərinin inkişafı ilə bağlı məlumatlı mənbələrə” istinadən məlumat yayıb.

Qeyd olunur ki, bu addımlar Tayvan və Çinə təsir edən gözlənilməz vəziyyətlə bağlı ABŞ və Yaponiya arasında ilk birgə əməliyyat planına daxil ediləcək, DW xəbər verir. Bu plan dekabrda hazırlanmalıdır.

Nansei adalar silsiləsi və ya "Cənub-Qərb Adaları" Yaponiyanın Kaqosima və Okinava prefekturalarından Tayvana doğru uzanır. Kyodo mənbələrinin məlumatına görə, ada bazalarında yerləşdirilməsi planlaşdırılan ABŞ Dəniz Piyadaları Korpusunun (MCR) Dəniz Sahili Alayı HIMARS raket sistemləri ilə silahlanacaq.

Yaponiya Özünümüdafiə Qüvvələrinin, ilk növbədə, yanacaq və sursat təchizatı da daxil olmaqla, Amerika bölməsinin maddi-texniki dəstəyi ilə məşğul olacağı gözlənilir.

 

Nigar