ABŞ ordusu Nyu-Meksikodakı White Sands poliqonunda yeni qısa mənzilli ballistik raketlərin Precision Strike Missile (PrSM) təlimini həyata keçirib.

Oxu24.com xəbər verir  ki, bu barədə “Defence News” məlumat yayıb.

Hərbçilərin hədəfi vurmasını təmin etmək üçün iki raket atdığı qeyd edilir.

Raketi hazırlayan Lockheed Martin, zərbənin "dəqiqlik və hazırlıq" nümayiş etdirdiyini bildirib.

Amerika ordusu bu raketləri 2023-cü ilin dekabrında almağa başlayıb.

Onlar HIMARS çoxsaylı buraxılış raket sistemlərindən və M270 MLRS buraxılış qurğularından istifadə edilə bilər.

Bu raketlərin ATACMS-i əvəz etməli olacağı vurğulanır.

Bundan əvvəl prezident Co Bayden ilk dəfə Ukraynaya Rusiya ərazisini vurmaq üçün ATACMS raketlərindən istifadə etməyə icazə verib. “The New York Times” qəzetinin yazdığına görə, 300 km-ə qədər mənzilli ATACMS Kursk bölgəsində Ukrayna qüvvələrini qorumaq üçün istifadə edilə bilər.

Nigar