Çin G7-ni Ukraynadakı münaqişəni qızışdırmaqda ittiham edib

Çin Müdafiə Nazirliyinin sözçüsü Zhang Xiaogang bildirib ki, G7 ölkələri Ukrayna münaqişəsinin alovuna yağ tökür və eyni zamanda məsuliyyəti Çinin üzərinə atmağa çalışır.

Oxu24.com xəbər verir  ki, Bu barədə Çin Müdafiə Nazirliyinin mətbuat xidməti məlumat yayıb.

"Ukrayna məsələsinə gəlincə, Çin həmişə sülhü təşviq etməkdə və danışıqları inkişaf etdirməkdə təkid edib və ikili təyinatlı malların ixracına həmişə ciddi nəzarət edib", - departament sözçüsü bildirib.

Zhang Xiaogang əlavə etdi ki, Pekin beynəlxalq münasibətlər normalarına riayət etməyə, “müəllim” davranışından əl çəkməyə, həmçinin digər dövlətlərin daxili işlərinə qarışmaq cəhdlərini dayandırmağa çağırır.

Oktyabrın ortalarında G7-nin müdafiə nazirliklərinin rəhbərləri Neapol görüşündən sonra Çini Rusiyaya hərbi dəstək verməkdə və ona ikili təyinatlı mallar ötürməkdə ittiham etdikləri kommünike qəbul etdilər. Nazirlər əlavə ediblər ki, Rusiya Federasiyası ilə ÇXR arasında hərbi əməkdaşlığın gücləndirilməsindən narahatdırlar, çünki bu, “sabitliyi pozan hərəkətlərlə” bağlıdır.

Bundan əvvəl Si Cinpin Ukraynada vəziyyətin deeskalasiyasına çağırıb.

 

Nigar